Read Banggai SADEONG 145 Bible Online

SADEONG 145 - Banggai bible

SADEONG 145

¹Daud nanggaalano ko Temeneno. Oh daku Mian Bisa tukon daku Tomundo, yaku yase kabasale Ikoo, tukon nggaale Ikoo sidutu-posidutukon.

²Sasamba kooloyo yaku yase mobasukur doi-Koo, tukon kabasale Ikoo sidutu-posidutukon.

³Sabab Ikoo ko TEMENENO mobabasal tukon tanggaal tuuno, Kona babasalan aki namoola kobanggapi natoiyo.

⁴Paisoboli koturunan naikon nggaale Komu kokubai tukon babilitakene Komu baranian.

⁵Yanila naikon babilitakene Komu babasalan tukon Komu inodotiian, Komulimang mo minasaindinggon yaku naikon pikikene.

⁶Yanila popitoikene Komu kokubai-kokubai mohebat, yaku naikon pelenggene Komu babasalan.

⁷Sasaibino Komu monondokan komian naikon basalitakene tukon manyanyikene tentang Komu adilan.

⁸Do TEMENENO doo daano Konamaasi tukon kona seang, aki namosoisobit nggimal tukon kona seang tataap sidutu.

⁹Konoano monondok tuuno doi sasamba komian, tukon seseange sasaibino Kona langge pinasitaka.

¹⁰Oh TEMENENO, sasaibino Komu langge pinasitaka naikon nggaale Ikoo, sasaibino Komu umat naikon basukur doi-Koo.

¹¹Ikoo salaku Tomundo, yanila naikon kabasale Komu kuasa, tukon yanila naikon basalitakene Komu baranian,

¹²sulano sasaibino komian natoiyo Komu kokubai mo babasal, tukon Komu batomundoan moinodotii tukon nggilep-nggilep.

¹³Komu bapamarentaan tataap popupuson koloonu, Komu kokuasaan bataanggon doi paisoboli koturunan. Ko TEMENENO setia doi sasaibino Kona janji, doi sasaibino Kona kokubai Yana mamaasikene tuuno.

¹⁴Ko TEMENENO beena tulungan komian mo daano doi susaan lalomo, Yana koloyose komian motootuku.

¹⁵Sasaibino komahluk mo tubo tongo moinikene Ikoo; sabab Ikoomokai komo beena kaan doi tempono.

¹⁶Ikoo daanekene sasaibino konapo kaparluan, sampe aki napo kakurangan.

¹⁷Ko TEMENENO adil doi sasaibino Kona tindakan, tukon seseange tuuno sasaibino Kona kinubai.

¹⁸Yana loolanikon doi mian mo uang doiya-Na, tukon kalu kita mangkabi doiya-Na tukon tootubo konoanggita.

¹⁹Yana beena noa sanaang doi mian motaat doiya-Na; Yana lengele konapo uwangan tukon salamatene yanila.

²⁰Yana lindungiyo sasamba komian mokilakene Yana, bai komian molokis Yana akateyo kabus.

²¹Yaku yase monggaale ko TEMENENO sidutu, boliisi sasaibino Konamahluk nanggaale ko TEMENENO sambuno tuuk sidutu-posidutukon.