Read Banggai SADEONG 146 Bible Online

SADEONG 146 - Banggai bible

SADEONG 146

¹Nggaalekai ko TEMENENO! Eh daku jiwa, nggaalekai ko TEMENENO!

²Kalu yaku daanoon motubo yaku yase monggaale ko TEMENENO tukon yaku manyanyi doi ku Mian Bisa kalu yaku danoon.

³Inaikai momoini doi ponguasa, doi banggapi mo aki namoola salamatene konda tuboan.

⁴Kalu yanila mate, yanila abali doi buta; doi oloyodoo koidan sasaibino konapo tetel lapus.

⁵Kinatauwankai komian mo balaanggene ko TEMENENO na Mian Bisa, tukon balaanggene Yakub na Mian Bisa salaku napotulung.

⁶ Iyanamokai komo tealikene kotimbu tukon buta, tobun tukon sasaibino koantoko; Yana tataap setia sidutu-posidutukon.

⁷Yana belayo komian molinai-lainggon nahaak, tukon beena kaan doi mian momalaal. Ko TEMENENO bebaskanggene sasaibino komian motinaan,

⁸tukon kubaiyo komian mopiit teali mokita. Yana koloyose komian mo tuwong, tukon seseange komian mo jujur.

⁹Yana lindungiyo komian molulubaton; tukon tulungiyo sasaibino kobalu tukon kopau tuboon, bai Yana akiyenggene komian molokis natetel.

¹⁰Do TEMENENO doo Tomundo tuuk sidutu-posidutukon. Eh Sion, komu Mian Bisa berkuasa doi dunia nia polong doi nakiamatan. Nggaalekai ko TEMENENO!