Read Banggai SADEONG 147 Bible Online

SADEONG 147 - Banggai bible

SADEONG 147

¹Nggaalekai ko TEMENENO! Tadukai ndanggaale Yana, tukon nda manyanyi nyanyian panggaal doiya-Na sulano nasanaang konoano!

²Ko TEMENENO naikon abalinggene kona monondokan ko Yerusalem; tukon komian mo inaison naikon Yana babayo mule.

³Yana kindendeke komian mo moloto konoano, tukon pakuliyo konapo pakol-pakol.

⁴Yana tantukanggene kona kadaang kobituwon pauno doi dapang, tukon Yana beena sambuno suwe-suwele.

⁵Tutuu babasal tukon hebat konda TEMENENO, Kona kebijaksanaan akiyo kona pupusan.

⁶Yana olupute komian mo linai-lainggon, bai komian mo lokis Yana tikakene doi buta.

⁷Manyanyilah nyanyian nggaa-nggaalano doi TEMENENO, maenggene kokacapi doi Mian Bisa.

⁸Iyanamokai komo beleatene kobunom doi timbu; Yana masadiakene udan motuuk doi dunia, tukon kubaiyo kobulung motubo doi bunggul bungkukono.

⁹Yana beena bulung sulano koiyayon namoola kaan, tukon doi tomisi gagak pauno mo uwang-uwang.

¹⁰Ko TEMENENO nainiyas bolikonkai adalan mo bukuan; bolikon koidan pojuang mobarani.

¹¹Ko TEMENENO sanaang doi mian mo taat, doi mian mo tataap moinikene Konamaasi.

¹²Eh Yerusalem, nggaalekai ko TEMENENO! Eh Sion nggaalekai komu Mian Bisa!

¹³Sabab Yanamo komo keenggele komu tataapon-tataapon mobabasal, tukon komo balakaatiyo komian modungol.

¹⁴Yana dagaiyo komu lipu sulano natataap aman, tukon beena kaan bobosul ikoo tukon gandum mo monondok.

¹⁵Yana mebee parenta doi dunia, tukon Kona bantilan mosobit linakukanggon.

¹⁶Yana obulusene kosalju pokakana kokapos, tukon tipasene kosoilu mokundot pokakana koabu.

¹⁷Yana obulusene koudan es pokakana koseasa; kona mendemelan akiyo komo moola sasalaane.

¹⁸Maka luwedoi Naparenta do esoo teali tebeas; Yana puukene kombombuul, maka kopaisu teali lomba.

¹⁹Yana pelenggene Kona teteba doi Naumat, koketetapan tukon Naukum doi Naumat pinilih.

²⁰Yana aki namokubai mo buno doiya doi bangsa-bangsa bailon, sabab aki napo toiyo Kona ukum-ukum. Nggaalekai ko TEMENENO!