Read Banggai SADEONG 17 Bible Online

SADEONG 17 - Banggai bible

SADEONG 17

¹Daud nasambeang. Lengelekai koalalonggu yaku makabi kaadilan, perhatikanggenekai daku sambeang motutuu, oh TEMENENO.

²Sanaangkai mobelayo daku perkara sabab Ikoo toiyo oila komo bisa.

³Kalu Ikoo ujiyo konoanggu tukon Ikoo lubat moondosukaku doi tempo popook, naikon laataku baikon totubo konoanggu, dakubantilan pokokonoi tukon dakupikiran.

⁴Yaku lakukene oila komupinarentakon tukon aki kuloloiyo koloon mopinakisaa.

⁵Yaku sidutu tubo loingiyo Komuotunggul tukon aki kuisa luwedoi Yana.

⁶Yaku uwang doi-Koo, oh Mian Bisa, sabab Ikoo timbiliyaku; perhatikanyakukai tukon lengelekai daku banti-bantilan.

⁷Tudoikanakukai komuseang mominasaindinggon sabab Ikoo salamatene komian mosoop doi-Koo, doi yanila lisuko aman luwedoi musuh napolobosian.

⁸Pialaakukai pokakana komata-Mu batuno, saakanakukai doi kapilo-Mu suukano kusoop

⁹luwedoi mian molokis napolobosi. Yaku linubotii musuh moiyase akateaku;

¹⁰yanila aki natoiyo komaasi tukon napo basalita babanggaal.

¹¹Yanila maju molawanaku tukon yanila tokuuniaku, moumbolii todanan sulano napo lubangaku.

¹²Yanila pokakana kosinga moiyase sokuwo kona musuh, singa tabono pepete doi lipu motosookon.

¹³Kokondongokai, oh TEMENENO, lawanekai daku musuh tukon lungguyomokai yanila. Salamatanakubai tukon Musabel luwedoi mian molokis napolobosi.

¹⁴Sodiyakukai luwedoi mian-mian moatambune kobuat doi dunia. Ukumekai yanila tukon bala-balaa molapamo Kusadiakene tuuk yanila. Sodiiyomokai konapo pau tumbu nainukum koidan.

¹⁵Bai yaku naikon mbalenge Ikoo, sabab akiyo daku salah. Doi tempo kubangunan, Komudaanoan kubaiyo konoanggu laba-laba.