Read Banggai SADEONG 18 Bible Online

SADEONG 18 - Banggai bible

SADEONG 18

¹Tuuk mokatuaiyo konyanyian. Daud na Sadeong, TEMENENO naata. Minananikon doi TEMENENO doi tempo Daud nainoluputan luwedoi Saul tukon luwedoi namusuh-musuh.

²Yaku seange Ikoo, oh TEMENENO, Ikoomokai dakubukuanan.

³Ko TEMENENO pokakana kopagal momonggol daku lipu soopan. Daku Mian Bisa pokakana kobunggul batu daku lipu soopan. Pokakana kotompide Yana tutupiaku, tukon dagaiyaku sulano kuaman sidutu.

⁴Yaku uwang doi TEMENENO momola ngginaal Yana sodiiyaku luwedoi kumusuh-musuh.

⁵Yaku tinikumo matean tukon linalino eaba silakaan.

⁶Yaku tinikumo matean, kotalong matean daano doi salaanggu.

⁷Doi kususaan lalomo yaku uwang doi TEMENENO, yaku wokon doi ku Mian Bisa makabi tulungan. Luwedoi Nabonua Yana lengelemo koalalonggu tukon perhatikanggene koalalonggu.

⁸Maka kodunia tounggot tukon lolondong, kobunggul-bunggul uuno tounggot tukon lolondong sabab Mian Bisa nanggimalan.

⁹Kotibolung kuule luwedoi ngoolo buango, kobilat tukon bara tobuat luwedoi babaNo.

¹⁰Yana batayo kotimbu, maka naobulus tukon antong mokalipokan doi aino suka-No.

¹¹Yana benga tukon molokiti iyayon modaano kokapilo doi surgaa; Yana tangangaakon doi mbamobuul kapilo bunggono.

¹²Yana tombukiyo kobutongo tukon kalipookanan; kobunom mopook mobondolong tikumemo Yana.

¹³Luwe kodidip doi salaano, tobuatkai kobunom, udan es tukon bilat.

¹⁴Maka ko TEMENENO mokubai duluk luwedoi dapang; Mo Tatandak Tuuno longolikene koalalo.

¹⁵Yana panakene Konapana-pana komusuh teali pobabandakon; Yana potodiikene kodidip badaang lunggon, tukon kubaiyo yanila bulen.

¹⁶Kotobun uuno tobuka tukon kobuta sakean tobuka doi tempo ko TEMENENO naosinggotano konamusuh tukon nanggimalan.

¹⁷Luwedoi babo ko TEMENENO ulule kolimano; Yana taaniaku tukon nabubutaku luwedoi paisu moatean.

¹⁸Yana salamatanaku luwedoi musuh mobarani tukon luwedoi mian-mian mosikitanaku, sabab yanila bukuan tuuno tuuk doiyaku.

¹⁹Yanila lobosiaku doi tempo kutinepakan susah, bai TEMENENO teali tomboniaku.

²⁰Yana oluputaku luwedoi silakaan tukon salamatanaku sabab Yana pokokonoi doiyaku.

²¹Ko TEMENENO balese daku kakabai motalakana; Yana balakaatiyaku sabab akiyo daku sala.

²²Yaku loingiyo ko TEMENENO naparenta tukon aki kuisa luwedoi ku Mian Bisa.

²³Sasaibino Konaukum yaku perhatikanggene, Konaparenta-parenta aki kutomilinggene.

²⁴Yana toiyo baikon akiyo dakusalah tukon edeenggene kobutongo luwedoi kusala.

²⁵Maka ko TEMENENO balase dakukokubai mo talakana sabab Yana toiyo akiyo daku sala.

²⁶TEMENENO, Ikoo seseange doi mian mo tulut-tulutan tukon Ikoo monondok doi mian monondok.

²⁷Motuuk doi mian mo moliyous Ikoo okitakene kobutomu moliyos, bai komian molokis Ikoo musuwo.

²⁸Komian moekependeyo konoano Ikoo salamatene, bai komian babanggaal Ikoo silakayo.

²⁹Ikoo koitiyo daku dial; ko TEMENENO ko Mian Bisa talaangiyo daku lolon mokalipookan.

³⁰Ikoo tealikene yaku bukuan salano kuakabuse dokumusuh; tukon daku Mian Bisa napotombonii yaku lopoyo konapo lipu bataanggonan.

³¹Ko Mian Bisa nakokubai monondok tuuno ko TEMENENO najanji moala nainangga. Yana pakakana kotombide luwedoi sasaibino komo soop doi Yana.

³²Sabab tongo TEMENENOkai ko Mian Bisa; Mian Bisa tolong konda pebela.

³³Yanamokaiko Mian Bisa komo benna bukuanau doiyaku tukon kubaiyo dakuloloon aman.

³⁴ Yana beena bukuanan koainggu pokakana kodonga aino, tukon dagaiyo daku kasalamatan doi lipu bunggulo.

³⁵Yana latiyaku tuuk polobosian, sampe kumoola tidekene kopaka batango mo bukuan tuuno.

³⁶TEMENENO, Ikoo osoopaku tukon salamatanaku, tukon ikoo tumbakaku mukuasa; yaku teali manaang sabab mutindakan.

³⁷Ikoo dagaiyaku sulano naaki kutataan, tukon aki ku biasa tuwong.

³⁸Yaku lelengene dakumusuh tukon yaku lungguiyo yanila, tukon aki kuiyase undur kalu yanila akiyoon namate.

³⁹Kulubange yanila polong aki namoola bangun koidan, yanila tolubang akimo nabukuan doi ainggu salaano.

⁴⁰Ikoo beenggu bukuanan sulano kupolobosi, tukon yaku manaang luwedoi kumusuh-musuh.

⁴¹Ikoo kubaiyo daku musuh-musuh bulen luwedoi yaku; komian-mian mosikitanaku yaku akateyo kabus.

⁴²Yanila nggeleamon, bai akiyo komo tulungiyo, yanila uwang doi TEMENENO, bai aki natimbiliyo.

⁴³Yanila yaku pipise manase pokakana koabu mosasabul, tukon kusasapuwo kolapetak doi loloon.

⁴⁴Ikoo osobiyaku luwedoi mian molokis, tukon tealikanaku mokuasaiyo kobangsa-bangsa; kobangsa moaki kutingoniiyo teali kuata.

⁴⁵Komian-mian molulubaton sasaluut doiyaku tukon loingiyo kalu lengele dakupalenta.

⁴⁶Konapo baranian lapuso; yanila lolondong tukon tobuat luwedoi napopagal bataanggonan.

⁴⁷Ko TEMENENO tubo! Taanggakai dakupebela! Akabasalekai ko Mian Bisa nababasalan daku pasalamat!

⁴⁸Yana beenggu kamanangan luwedoi kumusuh; kobangsa-bangsa Yana lungguiyo doi salaanggu,

⁴⁹Yana salamatanaku luwedoi kulawan-lawan. TEMENENO, Ikoo beengu kamananganluwei kumusuh-musuh, Ikoo sopanaku luwedoi mian-mian molokis.

⁵⁰ Maka kukabasale Ikoo doi sasaibino kobangsa-bangsa, tukon kumanyanyikene kongganggalano doi-Koo.

⁵¹Mian Bisa beena kamanangan babasal doi natomundo, Yana tataap seseange komian naililik, doiyamo Daud nakatulunan tuuk sidutu-posidutukon.