Read Banggai SADEONG 19 Bible Online

SADEONG 19 - Banggai bible

SADEONG 19

¹Tuuk mokatuaiyo konyanyian. Daud na Sadeong.

²Kotimbu okitakene ko Mian Bisa nababasalan, tukon dapang popitoikene konalimang.

³Oloyo komeengo pelenggene doi oloyo mobailonggon; popook momeeng basalitakene doi popook mosalaando.

⁴Akiyo komo basalita kai mo bantil-bantil; akiyo koalalo molinongol.

⁵ Bai kona uangan linongol doi posaapon kodunia, dotetebadoo polong doi dunia bundu-bunduno. Ko TEMENENO mokubai bonua doi timbu tuuk doi oloyo matano,

⁶dowa-dowa yana tobuat kopanano pokakana kobababu malane motobuat luwedoi nakombiang, pokakana kotalenga molaba-laba salataa tambune konaampakonan.

⁷Yana manisikiyo kotimbu luwedoi bunduno ampakon doi bunduno; akiyo komoluput luwedoi namonasan.

⁸Ko TEMENENO naukumoo talakana, tealikene sanaang kopalasaan. Ko TEMENENO naparentah moola inangga, beena pandoiyan doi mian mobatangakon kona tuboan.

⁹Ko TEMENENO naaturano tapaat, tealikene konoanggita. Ko TEMENENO nakatatapanoo moliyous, tealikene komian momangalati.

¹⁰Tulu-tulutan doi TEMENENO doiya monondok, banggadudul sidutu-posidutukon. Do TEMENENO doo naukum bisa tukon adil sasaibino.

¹¹Ko TEMENENO naukum lobian koanggano luwedoi mosoni tulen, lobian maamis luwedoi dokot motulen.

¹²Komuata iningotikon doi sasaibino doiya; kotambo babasal tasadia doi mian moloingiyo.

¹³Akiyo komoola toiyo konatataapan; TEMENENO, sobiyakukai luwedoi kusala motosookon.

¹⁴Dodongganakukai luwedoi lalim mosinangajai, inai batadikene nakuasaiyaku. Tobikon doiya aki kuteali sala, tukon tongosodii luwedoi palanggaran momotong.

¹⁵Biliisi daku batilan-bantilan tukon daku pikilan pokokonoi doikoo, oh TEMENENO, dakusoopan tukon daku potolos!