Read Banggai SADEONG 2 Bible Online

SADEONG 2 - Banggai bible

SADEONG 2

¹ Bulaando kobangsa-bangsa momokubai nggalanggabutan tukon kobangsa bense-benseno mokubai tetel moakiyo kotakoso?

²Kotomundo-tomundo doi dunia lengget pososinggat tukon sasaibino koponguasa pomeenggon molawane ko TEMENENO tukon tomundo Nalinilik.

³Dopenguasa-penguasadoo bantile, “Mai nda lotoyo konapo kakuasaan tukon kita rebuute konda kemerdekaan!”

⁴Luwedoi Nabatomundoan doi surgaa ko TEMENENO kokumbit tukon totulaiyo konapo tetel.

⁵Maka yanila ngginimolii tukon alalo mobabasal, tukon yanila inosinggot tukon TEMENENO nanggimalan.

⁶Konabantilano, “Doi Sion Daku bunggul bungkono moliyous lapamo Yaku oduduke Daku tomundo linilik.”

⁷ Tomundo bantile, “Yaku yase mopopitoikene oila komo lapamo TEMENENO Tataapkanggene. Konabantilano doiyaku, ‘Ikoo Kumalene, doi oloyo nia yaku teali Tamamu.

⁸Kabiyomo kai, maka sasaibino kobangsa yaku beekene doikoo, tukon posaapon kodunia yaku tealikene koomu.

⁹ Yanila naikon yaku lotoyo tukon tongkat besi kalamas tukon ikoo pasayo yanila pokakana kotobunan buta.’ ”

¹⁰Jadi popalaattikanggenemokai, eh tomundo-tomundo, poabese doi noamuyu, eh komuyu kopenguasa-penguasa dunia!

¹¹Polakukanggene ko TEMENENO namongiasan tukon pomatakutene ko TEMENENO.

¹²Posomba doi Salano tukon lolondong, inai napolong ko TEMENENO teali nggimal tukon inai posinilaka baidanggon, sebab Konanggimalan kait tukon sosinggat. Kinatawankai doi komian mo soop doi TEMENENO!