Read Banggai SADEONG 25 Bible Online

SADEONG 25 - Banggai bible

SADEONG 25

¹Daud na Sadeong. Doikoomo, oh TEMENENO, daku libakanano daku sambeang.

²Oh daku Mian Bisa, yaku anggayo Ikoo! Inai mosodiiyaku kuinakamaa, tukon daku musuh-musuh kokuwesiyaku.

³Komian mootunggule Ikoo naikon inakamaa bai komo maangga doikoo aki naikon nainakamaa.

⁴Tudoikanakubai Komu mongiasan doiyaku, oh TEMENENO, bantilemo oila komo sio kulakukene.

⁵Otunggulakukai tukon tuntunakukai sulano kutubo loloiyo komu mongiasan, Sabab ikoomokai ko Mian Bisa mosalamataku, yaku sidutu moini doi-Koo.

⁶Neneekekai komu monondokan tukon komu maasi, oh TEMENENO, Ikoo mo tudoikene salataa doi tumbe.

⁷Ompuniyokai dakulalaim tukon daku kasalaan doi tempo kutabokonan, nonokakukai pokokonoi tukon seang tukon komu monondokan.

⁸Sabab ko TEMENENO monondok tukon adil, Yana tudoikene kololoon doi mian motapa.

⁹Kotemeneno tuntune komian moekependeyo konoano, tukon otunggule yanila doi namongiasan.

¹⁰Komian molongoliyo konapaladandian tukon Kona hukum, Yana lakukene tukon maasi tukon satia.

¹¹TEMENENO ompuniyakukai pokokonoi tukon Mujanji, sabab babasalkai daku kasalahan.

¹²Ko TEMENENO otunggulikene doi mian momatakutene yana, kololoon mosio napololoiyo.

¹³Yanila naikon tubo tataap badaang konapo hasil. Konapo pau tumbu naikon komo laate konapo buta pusaka.

¹⁴Ko TEMENENO posobat tukon komian momaangga nasobat, yana bontiikene konamakisud doi yanila.

¹⁵Komatanggu tataap mbaleng doi Temeneno, sabab yana salamatanaku luwedoi silakaan.

¹⁶Mbalengakukai, tukon mamaasikanaku, sabab yana salamatanaku luwedoi silakaan.

¹⁷Konoangggu nasusaan pololokon tosuungi sobiyakukai luwedoi kutuboan nasusaan.

¹⁸Palaatikanggenekai daku sakisawan tukon daku kasulitan, tukon ompuniyokai daku lalim.

¹⁹Kitayokai bulaando kona badaangan daku musuh; yanila mosikitanaku tuuno.

²⁰Dagaiyakukai tukon salamatanakukai, sulano naaki kumalaat maa, sabab yaku soop doikoo.

²¹Biliisi komu monondokan tukon komu moloyosan nalolaingaku, sabab yaku moini doikoo.

²²Oh Mian Bisa, sobiyokai komu mian luwedoi sasaibino kotuboan nasusaan.