Read Banggai SADEONG 26 Bible Online

SADEONG 26 - Banggai bible

SADEONG 26

¹Daud na Sadeong. Beenakai kaadilan, oh TEMENENO, sabab yaku tubo moloyos konoanggu. Yaku moini doi TEMENENO, tukon maukai tongo soisik aki kusasaaki.

²Ondosukakukai, oh TEMENENO tukon ujiyakukai, palesayokai daku mongiasan tukon daku pikilan.

³Yaku sidutu neneeke naikon Komu maasi tukon yaku tataap setia doi-Koo.

⁴Yaku aki kuyase pototongi tukon mian batipu, kai polalaing tukon mian moakiyenggene ko Mian Bisa.

⁵Yaku mosikitene kopototongian mian molokis, komian molokis yaku dedeenggene.

⁶Kukumosio kolimanggu palosan baikon akiyo daku salah tukon yaku ampakon boilingiyo Komu balabaan, oh TEMENENO,

⁷tukon manyanyikene kolagu sukuur, pelenggene komu kokubai mobabasal.

⁸Yaku kilayo Komu bonua, oh TEMENENO, lipu Mudungolan memoono babasalan.

⁹Inai mokateyaku pososinggat komian baladosa, kai Ikoo bubute daku ansaangan pososinggat komian mosidutu mangakate.

¹⁰Yanila banggadudul momeeng mokubaiyo kolokis, tukon sidutu basadia matalima sogokan.

¹¹Bai yaku tubo tukon moloyos konoanggu, mamasikenekai tukon sobiiyakumokai.

¹²Maka amanokai yaku luwedoi sasaibino kosilakaan, yaku naikon nggaale ko TEMENENO doi namian napototongian lalomo.