Read Banggai SADEONG 28 Bible Online

SADEONG 28 - Banggai bible

SADEONG 28

¹Daud na Sadeong. Oh TEMENENO, doi Koomo daku uangan, Ikoo daku pebela, lengelekai daku uwangan. Kalu Ikoo baponga doiyaku, yaku pokakana komian mo bulus doi kibul leengo.

²Lengelekai daku kakabi kalu yaku wookon makabi tulung, tukon kubingkate kolimanggu doi mu bonua salaano momoliyous.

³Inai moakateaku pososinggat komian motinggale Ikoo, pososinggat komian, molakukene kokulokisan. Yanila basalita tukon maamis tuuno, bai kopai noano moono booanan.

⁴ Ukumemokai yanila sabab napo kokubai, sabab yanila lakukene kokulokisan. Ukumekai pokokonoi tukon napo kokubai; beekenekai yanila koukuman mopotimbongii konapo kokubai.

⁵Yanila aki napusinggene ko TEMENENO nakokubai, kai oila Konalimang. Maka yana naikon ukume yanila, tukon silakayo yanila polong sidutu-posidutukon.

⁶Tanggaalokai ko TEMENENO, sabab yana lengelemo daku kakabi.

⁷Ko TEMENENO kusoopan tukon kupebela, yaku maangga doi Yana. Yana tulungiyaku tukon labakene konoanggu; yaku nggaale Yana tukon lagu sukuur.

⁸Ko TEMENENO beena bukuanan doi Namian, Yana belayo tukon salamatene kotomundo Naililik.

⁹Salamatenekai Komu mian, oh TEMENENO, balakaatiyokai Komu mian-mian. Tealikenekai buno meeng kopadagai doi yanila, tukon dagayokai yanila polong sidutu-posidutukon.