Read Banggai SADEONG 30 Bible Online

SADEONG 30 - Banggai bible

SADEONG 30

¹Daud na Sadeong. Nyanyian motuuk doi Mian Bisa Na Bonua nasinelaan.

²Yaku nggaale Ikoo, oh TEMENENO, sabab Ikoo lapamo salamatanaku tukon aki musodiikene daku musuh nakokuweisiaku.

³TEMENENO ku Mian Bisa, yaku uwang doi-Koo makabi tulung, tukon Ikoo tangalingganaku.

⁴Ikoo luputanaku luwedoi matean lalomo, tukon Ikoo, otuboiyaku luwedoi mian-mian momate.

⁵Mananikenekai kongganggaalano motuuk doi TEMENENO, eh komian motulut-tulutan, tukon basukuurkai doi Momoliyous tuuno.

⁶Sabab tongo napodoiya tolong ko TEMENENO nanggimalan, konamonondokan banggadudul kalu kita danoon motubo. Doi tempo popook yaku kokiil, bai kooloyo panano babayo kolabaan.

⁷Doi tempo kurasaano aman, yaku bantile, “Yaku naikon aki kulinunggui!”

⁸Sabab Ikoo monondok konoamu doiyaku, oh TEMENENO, Ikoo tealikanaku pokakana kobunggul momonggol. Bai doibundu Ikoo basookon luwedoi yaku, tukon yaku tealimo matakut.

⁹Doi-Koomo, oh TEMENENO, daku uwangan, doi TEMENENO daku makabian,

¹⁰“Oila kogunano doi-Koo kalu yaku mate tukon bulus doi kibul leengo? Moolakai komian mate nanggaale Ikoo tukon babotilanggene Komu monondokan?

¹¹Lengelekai, oh TEMENENO, tukon seseangakukai, TEMENENO tulungiyakukai!”

¹²Daku kokiilan sabab susah Ikoo lapamo boliiyo teali salendengan labaan. Ikoo alayo daku susaan tukon Ikoo konoiyaku tukon laba-laba.

¹³Maka yaku aki kuyase batingaakon; Yaku manyanyikene nggalano doi-Koo oh TEMENENO ku Mian Bisa, tukon yaku basukuur doi-Koo polong sidutu-posidutukon.