Read Banggai SADEONG 32 Bible Online

SADEONG 32 - Banggai bible

SADEONG 32

¹ Daud na Sadeong. Nyanyian pongotunggul. Kinatawankai komian kona dosa moinompuni, tukon kona kasalahan kinabikon maaf.

²Kinatawankai komian kona kulokisan moakimo TEMENENO naaite, tukon komo aki naiyase bakala-kala.

³Kalu akiyoon kuakuiyo daku dosa, yaku sakisaa sabab yaku tongo mongoluu sasamba kooloyo.

⁴Oloyo popook Ikoo dodokanaku, TEMENENO, kobukunggu kabus pokakana moinusoki oloyo panano moonas tuuno.

⁵ Maka kuakuiyo daku lalim doi-Koo, daku kasalahan akiyo daku sinookon. Yaku tutukenemo moakuiyo doi-Koo, tukon Ikoo ompuniyo sasaibino daku lalim.

⁶Tobikon doiya sasamba komian momaangga siokai nasambeang doi tempo natoupiano kokasulitan, tobikon kalu sidutu kasusahan lubat, yana aki nakanakon.

⁷Ikoomokai daku tampat basookonan, ikoo oluputaku luwe doi kasulitan. Maka yaku teali kokuweis laba, sabab ikoo salamatanakumo.

⁸TEMENENO bantile, “Yaku naikon tuduikene kololoon mosiyo muloloiyo, ikoo naikon Kutuntune tukon otunggule.

⁹Inai buno adalan moakiyo konapikilan, moiyase nakinamudi tukon tambang alos sulano naloingiyo.”

¹⁰Komian baladosa tinepak sakisaa badaang bai komian moini doi TEMENENO tataap inosoop doi namaasi.

¹¹Eh mian-mian moliyous, polabakai tukon potedeskai, sabab oila komolapamo TEMENENO lakukene. Kokuweiskai laba, eh sasaibino komian momoliyous konoano.