Read Banggai SADEONG 40 Bible Online

SADEONG 40 - Banggai bible

SADEONG 40

¹Tuuk mokatuaiyo konyanyian. Daud na Sadeong.

²Tukon sabar kutotiiliyo ko TEMENENO napotombonii; maka Naperhatikangganaku tukon lengele koalalonggu.

³Yana bubutaku luwedoi leng mosilakaiyo komian, luwedoi petak molapetakon. Yana abosaku doi bunggul batu bunggono, tobikon dakulaakonan monondok.

⁴Yana otunggulaku manyanyikene kolagu boolu, lagu banggaalan motuuk doi nda Mian Bisa. Badaang komian mokitayo tukon teali matakut, maka yanila maangga doi TEMENENO.

⁵Kinatawankai komian momaangga doi TEMENENO, moaki namalaing sosubayo kopilogot-pilogot, kai makabi tulung doi mian babanggaal.

⁶TEMENENO, bulaando konabadaangan Komulimang doi kami, oh TEMENENO ku Mian Bisa, Ikoo akiyo komu pokakanaan! Badaangkai Komutetel kami momasaindinggene, ugaate aki nabinasalitakon sasaibino.

⁷ Kososuba tukon sosubakon mosinidak aki Muyase, sosubakon komo sinua tukon sosubakon mohapuse ko dosa aki Mutuntute. Bai Ikoo lapamo beenggu tolingainggu momoola lengele koalalomu.

⁸Maka kubantile, “Naiyakai yaku, doi buku lalomo totulis doiyaku.

⁹Yaku sanaang molakukene Komumongiasan, oh Mian bisa, Komuukum kuabese doi noanggu lalomo.”

¹⁰Doi pototongian lalomo Komumian kubabilitakene kobilita labaan baikon Ikoo salamatene kami. Tukon akiyo konatadean dolanggedoo daku popitoikangganano, Ikoo toiyo sasaibino doiya, oh TEMENENO.

¹¹Bilita kasalamatanoo aki kuabese doi noanggu lalomo, kutulungan tukon Mutulu-tulutan sudutu kubobotilanggene. Doi mumian napototongian salaano aki tongo yaku batingakon tolong, bai yaku popitoikene kumuseang tukon Mutulut-tulutanan.

¹²TEMENENO, inaikai motade mamasikanaku; osoopakukai sidutu tukon maasi tukon Mutulut-tulutanan.

¹³Yaku linubotii kasusahan mobadaang, koaito aki namoola inait. Dakulalim-lalim lolongganaku polong aki kumoola kitayo. Koaito lobiyoniiyo kobuuk doi olunggu, kubaiyaku moloto konoanggu.

¹⁴Oh, TEMENENO, salamatanakukai, TEMENENO batotobomokai motulungiaku!

¹⁵Sobiiyomokai komian moiyase akateaku, napolinunggui tukon bulen polong lapus konapo akal. Batadikenekai komian mokokuweisiyo daku susaan yanila ninanal undur tukon tinotulai.

¹⁶Batadikenekai komian mokokumbitaku teali ngginggim tukon mamaa.

¹⁷Boliisi sasaibino komian mososubayo Ikoo yanila tetedes tukon lalaba, tukon sasaibino komo kilayo kokasalamatan moluwe doi-Koo banggadudul bantile, “Tutuu babasalkai ko TEMENENO!”

¹⁸Yaku nia talalais tukon muyuk, bai ko TEMENENO perhatikangganaku. Ikoomokai komotulungaku tukon mosalamatanaku, inai mokakalumbit, oh daku Mian Bisa!