Read Banggai SADEONG 41 Bible Online

SADEONG 41 - Banggai bible

SADEONG 41

¹Tuuk mokatuaiyo konyanyian. Daud na Sadeong.

²Kinatauwan komian moperhatikanggene komian moaki nabukuan; ko TEMENENO kurunge yana doi tempo kasulitanan.

³Ko TEMENENO naikon eseepe tukon pialayo yana, Yana naikon beena kasanangan doi dunia, tukon aki nasalakanggene yana doi mamusuh limano.

⁴Ko TEMENENO tulungiyo yana doi tempo naseselonan, tukon abalikene kona kasehatan.

⁵Kubantile, “Yaku baladosamo doi-Koo, oh TEMENENO, mamasikanakukai tukon tangalingganakukai.”

⁶Dakumusuh bantilanku lokis, yanila yase sulano kumate tukon kutinoliminggon.

⁷Komian-mian moduutiaku aki natotubo konoano. Yanila tongo pototongikene kobilita molokis doi yaku, maka napo babontilanggene doi yayaa.

⁸Sasaibino komo masikitanaku poli-polisauk; yanila bantilanku lokis tuuno.

⁹Konapo bantilano, “Kona sesel payamo tuuno, yana tantumo akimo nabangun koidan.”

¹⁰ Tukon koidan daku sobat yaku moanggayo tuuno, mian mokaan posingkat yaku, lapamo totulaiyaku.

¹¹Mamaasikanakukai oh TEMENENO, tangalinganakukai, sulano kumoola balese kotula-tulanggu nakulokisan.

¹²Kalu aki kumusuh nalungguiyaku, toiyakukai baikon Ikoo pokokonoi doiyaku.

¹³Ikoo tulungaku sabab namoloyosan konoanggu, tukon kubaiyaku tubo podungoli tuuk mopo sidutukon.

¹⁴ Nggalekai ko TEMENENO, Israel na Mian Bisa! Nggalekai Yana diabudodoo tukon posidu-sidutukon! Tealikai bunodoiya. Amin!