Read Banggai SADEONG 42 Bible Online

SADEONG 42 - Banggai bible

SADEONG 42

¹Tuuk mokatuaiyo konyanyian. Nanian otunggul doi Korah miano.

²Pokakana kodonga mopeleenggene kopaisu doi paisu batango, bunomodoiya koidan kobutonggu peleenggene Ikoo, oh Mian Bisa.

³Yaku peleenggene ko Mian Bisa motubo, oila kotempono sulano kumoola ampakon bakaleda doi Na Bonua?

⁴Oloyo popook yaku kokiil, tonggo matanggu paisuno komo teli kukinan. Posopokon koloyo dakumusuh mansadai, “Inaando komu Mian Bisa?”

⁵Kunoanggu susah kalu yaku neneeke doi tempo looluk, salataa yaku ampakon doi TEMENENO Na Bonua pososinggat komian badaang mo adakanggene kobalameanan. Yaku ambakon matailuk doi ambakonanoo tukon toloukonan tukon nggale ko TEMENENO.

⁶Bulaando konoanggu mosusah tukon aki nasanang? Yaku moini doi Mian Bisa. Maka yaku naikon basukuur koidan doiya-Na, doi ku Mian Bisa tukon kupasalamat.

⁷Doi tano mai sinakukonan nia konoanggu susah tuuno, tobikon doiya yaku neneeke ko TEMENENO. Kobutonggu talalin doi solok susaan lalomo, yaku tinepak lomba nanggalanggabutan; pokakana ko Yordan Paisunobatango alalo momomuuk luwedoi Bunggul Hermon tukon Bunggul Mizar.

⁹Boliisi ko TEMENENO tudoikene konaamasi doi tempo oloyo, sulano doi tempo popook kumoola manyanyi, tukon sambeang doi Mian bisa, daku tuboan nalenggetan.

¹⁰Yaku bantile doi Mian Bisa, mobelaaku, “Bulaando Ikoo motomilingganaku? Bulaando mosio kubanggadudul sakisaa, sabab dakumusuh-musuh pipiikaku?”

¹¹Konoanggu manas tuuno sabab kumusuh napototulai. Yanila banggadudul mansadai, “Inando komu Mian Bisa?”

¹²Bulaando konoanggu mosusah tukon aki sanang? Yaku moini doi Mian Bisa. Maka yaku basyukul koidan doiya-Na, doi ku Mian Bisa tukon kupasalamat.