Read Banggai SADEONG 44 Bible Online

SADEONG 44 - Banggai bible

SADEONG 44

¹Korah miano nanggaalano ko TEMENENO. Nyanyian otunggul. Tuuk mokatuaiyo konyanyian.

²Oh Mian Bisa, kami lapamo lengele kosalita mobinasalitakon luwe domai mbumbu tentang limang mohebat Ikoo molakukene doi loonu loolukon.

³Ikoo susumu siikayo kobangsa-bangsa sulano Komumian nataap doi napo lipu. Kobangsa-bangsa bailon Ikoo silakayo, bai Komumian Ikoo sobiiyo natosungi.

⁴Butadoo aki napo lambase tukon sabel; tukon koidan bolikon napo bukuanan susungo bai yanila manaang, bai tongo kuasa tukon Mudaanoan laango, sabab Ikoo pokokonoi doi Mumian.

⁵Ikookai daku Tomundo tukon Mian Bisa, mo beena kamanangan doi Mumian.

⁶Tukon Mukuasa kami lungguiyo komai musuh-musuh, tukon komian mian molobosikami yanila somba doi kami.

⁷Sabab aki kumoinikene dokupanah, tukon daku sabel bai akikai nasalamatanaku.

⁸Bai Ikookai komo salamatanggami luwe domai musuh, tukon lungguiyo komian-mian momosikitanggami.

⁹Maka kami naikon sidutu babanggakene Ikoo tukon banggadudul momeenggon basukuur doi-Koo.

¹⁰Bai budodoiya Ikoo otinggalami tukon batadikene mai limunggui. Ikoo akimo mumaju polaing komai barisan.

¹¹Ikoo batadikanggami mobulenggene kobutongami luwedoi mai musuh, tukon yanila lambase komai buat.

¹²Ikoo batadikanggami tinembel pokakana kodomba, tukon Ikoo pobabandakanggami doi antara bangsa-bangsa.

¹³Ikoo balukene komian tukon Mumunda koolino, tukon aki namaalat untung oioila.

¹⁴Ikoo tealikanggami sulano komai pololanikonan natotulaiyo kami yanila piadakami tukon kokumbitami.

¹⁵Ikoo tealikanggami teali bangsa-bangsa nasindiran; yanila suwalilinggene kooluno tukon totulaikami.

¹⁶Popupuson kooloyo inasalakon, yaku mananggung maa tukon akimo kuinangga,

¹⁷Sabab yaku lengele kopopiada tukon pototulai moluwe doi musuh babano tukon moabos noa.

¹⁸Sasaibino doiya tepakamimo maukai naaki mai tomilinggonggon kai moakiyenggene Komu perjanjian tukon kami.

¹⁹Konuanggami akinaakiyenggene Ikoo; Komuparentah aki mai pandang entenge.

²⁰Bai Ikoo tinggalami doi kalipokan lalomo; akiyono komai daya kalu kami sasalane koiyayon mobarani.

²¹Kalu andeno akimo koidan mai sosubaiyo ko Mian Bisa, bai kami tongo sambeang doi ilah bailon.

²²Ko Mian Bisa pasti Yana toiyo, sabab Yana toiyo konoanggami nabinantil.

²³ Luwe Ikoo kami banggadudul linubotii matean, tukon kami kinubai buno domba motinembel.

²⁴Bangunokai, oh TEMENENO! Bulaando Ikoo momoolo? Kokondongkai! Inai moduwokanggami momeenggon.

²⁵Bulaando Ikoo mobasokon, tukon Ikoo tomilinggenemo komai mosakisaa tukon susa?

²⁶Kami tuwong manas doi buta, tonggolong doi ambata lalomo sabab kami linungguimo.

²⁷Kokondongkai tukon lubatkai tulunggami, salamatanggamikai tukon mumaasi.