Read Banggai SADEONG 45 Bible Online

SADEONG 45 - Banggai bible

SADEONG 45

¹Korah mianno na Sadeong. Menyanyian seang. Tuuk mokatuaiyo konyanyian. Napoloiyan kolagu: Bakung bungano.

²Bantilan-bantilan monondok tokumbe luwedoi noanggu, kusosubakenen dakulagu doi tomundo. Bunokai meeng komian mopandoi napena, koaleponggu batotobo mobantile kokidung.

³Ikoomokai komo lobian tambongan doi antara banggapi, mubantilan-bantilan moono mondokan, tobikon doiya Mian Bisa balakaatio ikoo tuuk sidutu-posidutukon.

⁴Boboikene komu bakoko doi owakomu, oh tomundo barani, ikoo babasal tuuno tukon hebat!

⁵Ambakonkai tukon tambongan tujuiyo konamonondokan mousahakene komo kana tukon kokaadilan momonondok, tukon mubukuana lambasekai kokamanangan mobabasal!

⁶Komupanah momamangan tadule komumusuh pupulosono, tukon kobangsa-bangsa tuwong doi aino salaano.

⁷ Ko Mian Bisa beena ikoo kuasa sulano mumaparentah, tukon mukuasa bataanggon sidutu-posidutukon, ikoo palentayo komu rayat tukon adil.

⁸Ikoo kilayo komo monondok tukon mosikitene komo lokis; tobikon doiya, ko Mian Bisa, mu Mian Bisa lilikemo ikoo, tukon beenggon pongodotii moliisiyo kotomundo-tomundo bailonggon.

⁹Komupakean babangi mur, gaharu tukon cendana; momaenggene komusik doi kamali bilisii tealikene ikoo laba-laba.

¹⁰Doi antara koboiboine momeleleani doi kamali talaat kotomundo naboi-boine. Doibakalinga talikon kotomundo nakulusii osulangan kokondong kotomundo naboloki tukon mapake maenan mosoni tulen.

¹¹Eh Boine, lengelekai dakubantilan-bantilan, tomilinggenekai kobangsa tukon komu puli.

¹²Komutambonganan tarike kotomundo noano, sabab yana mutuan, somba doiyana.

¹³Ko Tirus miano babayo konasosuba doikoo; komian mokaasa kakaate moalayo konoamu.

¹⁴Kotomundo naboine usok tukon lalaangan tuuno, konakalambi sinuji mosoni.

¹⁵Tukon konapakean badaang kobotiko yana binaba doi tomundo, tukon sasaibino koboiboine moakiyon naosowan lolainge yana, doiyamo kotula-tulano, yanila koidan tuuk doi tomundo.

¹⁶Yanila koku-kokuweis tukon labalaba doi tempo napo inantokonan doi tomundo nakamali lalomo.

¹⁷Ikoo, daku tomundo, naikon malaat balang sulano naosulongiiyo kotumbunoilah nakulusii batomundoan, Yanila naikon yaku tealikene mokuasaiyo posaapon kodunia.

¹⁸Tukon nalagu nia yaku tealikene mutololongol polong doi mukatulunan sasaibino kobangsa-bangsa naikon ngganggaale sidutu-posidutukon.