Read Banggai SADEONG 46 Bible Online

SADEONG 46 - Banggai bible

SADEONG 46

¹Korah miano na Sadeong. Tuuk mokatuaiyo konyanyian. Tukon lagu Alamot.

²Ko Mian Bisa daanokai ndasoopan tukon nda bukuanan; Yana sidutu basadia tukon moala tulungiyo komian doi kasulitan lalono.

³Jadi aki nda matakut, maukai kodunia natounggot, tukon kobunggul-bunggul natanggalaup doi tubon lalomo;

⁴mau kotubon naliyokon tukon babokolan, tukon kobunggul-bunggul lololondong sabab nabaumbasonan kotobun bokolo.

⁵Ko Mian Bisa nakota tataap laba sabab daano kopaisubatango molomba, ko Mian Bisa Mo Tatandaak Tuuno nadungolan.

⁶Ko Mian Bisa dunggol indaa, tobikon doiya, dokotadoo aki nasilaka; konatulungiyano doi tempo natobuatan kooloyo panano.

⁷Ko Mian Bisa tealikene koduluk, maka kodunia teali topipis manas, sasaibino kobangsa-bangsa susa tuuno kobatomundoan-batomundoan toduwokon.

⁸Ko TEMENENO Mo Babasal kona kuasa loolainge kita, Yakub na Mian Bisa eseepe kita.

⁹Mai, kitayokai oila ko TEMENENO nalinimang; bulaando konaminasaindinggonan komulimang doi dunia!

¹⁰Yana atadeyo kopolobosian doi posaapon ko dunia, kopanah batango tukon kalait Yana manase, kotombide-tombide matimbuk Yana suwayo.

¹¹Kona bantilano, “Patademokai mopolobosi; potoiyokai, Yaku nia Mian Bisa, tango Yaku komo babasal doi sasaibino ko bangsa-bangsa, tukon Yaku babasal doi posaapon ko dunia.”

¹²Ko TEMENENO Mo Babasal kona kuasa lolainge kita, Yakub na Mian Bisa eseepe kita.