Read Banggai SADEONG 48 Bible Online

SADEONG 48 - Banggai bible

SADEONG 48

¹Korah miano nanggalano ko TEMENENO.

²Tutuu babasalkai ko TEMENENO tukon tanggal tuuno doi nda Mian Bisa na Kota, doi bunggul bunggulo moliyos.

³ Sion, Mian Bisa Nabunggul-bunggulo motatandak monondok Tomundo Babasal na Kota molinabakon posaapon ko dunia.

⁴Ko Mian Bisa dungul doi nakamali kombiango lalomo, jelaskai yana susuungokai komo eseepe.

⁵Pokitayokai, kotomundo-tomundo pototongi; yanila lubat yase molobosi.

⁶Bai yanila masainding, salataa kitayo dobunggul-bunggulo; yanila pelek tukon bulen nggalanggabut.

⁷Indaa yanila lolondong matakut tukon seselon, pokakana kobuine naikon momosuung,

⁸pokakana kapal momanas doi sokoi lalomo.

⁹Pokakana konda linongol, naiya kita kitayomo, doi TEMENENO Mo Babasal Konakuasa na kota. Dokotadoo danokai nda Mian Bisa na Kota, Yana pialoyo polong sidutu-posidutukon.

¹⁰Doi Mu Bonua lalomo kami pikikene Komumaasi, oh Mian Bisa.

¹¹Kosambuno tololongol tukon ngginaal doi pasaapon kodunia, Ikoo maparenta tukon adil.

¹²Sobiiyokai korayat Sion tukon Yehuda napo kokuweis laba, sabab Ikoo ukumemo kona musuh.

¹³Poboilingiyokai ko Sion, poboilingiyo yana, tukon poaitekai konalampu sudongo.

¹⁴Palaatikanggene kopagalo binetoon, palesaiyokai konapalataanan, sulano pomoola basalitakene doi mukatulunan:

¹⁵“Iyanakai ko Mian Bisa, nda Mian Bisa tuuk sidutu-posidutukon. Yana komo lolainge kita polong sidutu-posidutukon.”