Read Banggai SADEONG 49 Bible Online

SADEONG 49 - Banggai bible

SADEONG 49

¹Korah miano na Sadeong. Tuuk doi mokatuaiyo konyanyian.

²Polenglekai, eh sasaibino kobangsa, potingakenekai, eh kodunia tumbuno,

³mau mian motatangakon, maukai mian moinodotii, mau mian motalais, maukai mian mokaasa.

⁴Yaku mabantil bantilan-bantilan pandoian, daku pandapat atean tuuno.

⁵Yaku perhatikanggene kosasadeyong, tukon yaku talangkanggene komaanano tukon yaku lolainge maenggene kacapi.

⁶Aki kumata kut doi tempo kosulitan, doi tempo kulinubotiian musuh molokis.

⁷Yaniladoo balaanggene konakasaan, tukon babanggaakene konabuat.

⁸Konatutuuan akiyo komeeng komiankai momoala salamatene koutusomu, kai mobeale kopotoloso doi Mian Bisa.

⁹Olikai komo bineekono aki naikon nasukup; todudul maaling koolino kopotolos butongo,

¹⁰sulano naluput luwedoi matean tukon namoola tubo posidutukon.

¹¹Aki, yana naikon kitayo baikon komian mopandoikai koidan mate. Komian molongas tukon mobonggu sasaibino mate, tukon otinggale konabuat tuuk mian bailon.

¹²Yanila naikon dungol doi bakibulan polong sidutu-posidutukon; doiyanakai konapo dungolan pobanggadudukon, maukai doi looluk nabadaang tuuno konapo buta.

¹³Kobangkapi aki namoola tubo banggadudul doi nasanaangan lalomo; pokakana koiyayon, yanilakai naikon mate.

¹⁴Bunomodoiyakai konanasib komian mobalaanggene kobutongo, tukon doi tempo mosinasalaan komian biai tukon bantilan.

¹⁵Pokakana kodomba, yana tinantukono mate, maten naikon komo teali napo pototooli. Komian moloyos konoano lungguiyo yanila doi tempo dowa-dowa; kopai butongo mosobit booan doi mian mate nadunia, dodoon luwedoi dungolan mosanaang.

¹⁶Bai ko Mian Bisa naikon sobiiyaku, yana naikon lapaasaku luwedoi matean nakuasa.

¹⁷Inai matakut kalu meeng komian teali kaasa, tukon konabuat tosungi badaang.

¹⁸Sabab doi tempo namatean aki namoola mababa oioila, konabuat aki naikon nabulus doi kibul polaing yana.

¹⁹Tukon koidan kalu andeno daano komeeng komian mobadaang konauntung doi natuboan lalomo, tukon ngginanggaal sabab nabadaangan konabuat.

²⁰Yana tunduwo kotumbunoila koidan doi lipu mokalipookan sidutu-posidutukon.

²¹Kobangkapi aki namoola banggadudul tubo doi nasanaangan lalomo, pokakana koiyayon, yanakai naikon mate.