Read Banggai SADEONG 5 Bible Online

SADEONG 5 - Banggai bible

SADEONG 5

¹Tuuk komo pimpine konyanyian. Tukon maengganano ko suling. Daud na Sadeong.

²Oh TEMENENO, lengelekai dakubantilan-bantilan, perhatikanggenekai daku sinusakon.

³Danokenekai dakuinuanggon tukon tulungiyaku, oh daku Tomundo tukon ku Mian Bisa.

⁴Sabab doikoo yaku baladosa, oh TEMENENO, lengelekai daku uwangan doi tempo dowa-dowa. Dowa-dowa kubabayo daku sosubakon tukon yaku totiiliyo komupotimbili, oh TEMENENO.

⁵Ikoo Mian Bisa mo aki naiyase naikon kokulokisan; komian molokis aki namoola lubat sampukon doi-Koo.

⁶Ikoo aki namoola kitayo komian mobabanggaal, Ikoo mosikitene komian momakabai lokis.

⁷Ikoo silakayo komian-mian moyase bakala-kala, motipuwo tukon momangakate Ikoo kitayo akiyo kotakoso.

⁸Bai tobikon Museang mo babasal, yaku moola usok doi Mubonua lalomo. Kusosuba doi Mubonua salaano momoliyous, tukon kusombaiyo ikoo tukon pandoiyan.

⁹Oh TEMENENO badaangkai tuuno daku musuh! Pimpinekai yaku tuuk lakukanggene komu mongiasan, tukon tudoikenekai komuloloon mo sio kuloloiyo.

¹⁰ Sabab dakumusuh nabantilan aki namoola inangga; yanila noano moono tetel molokis. Yanila nabantilan-bantilan maamis tuuno, bai yanila noano moono kulokisan.

¹¹Ukumemokai yanila, oh Mian Bisa, batadikenemokai naposilaka sabab napo tetel susungo. Sikayomokai yanila sabab badaangkai kona polalim, sabab yanila lapamo nggimal tuuk doi-Koo.

¹²Boliisi sasaibino komian mosoop doi-Koo laba-labamo tukon wokon laba-laba sidutu-posidutukon. Dagaiyokai komian-mian mokilakene Ikoo, sulano yanila laba-laba sabab Ikoo.

¹³Sabab Ikoo balakaatiyo komian mosatia doikoo Ikoo dagayo yanila tukon mumaasi.