Read Banggai SADEONG 50 Bible Online

SADEONG 50 - Banggai bible

SADEONG 50

¹Asaf na Sadeong. TEMENENO, Mian Bisa Mo Babasal Konakuasa, basilingan, Yana masadai doi posaapon kolipu luwedoi tolopot polong doi talise.

²Luwedoi Sion, kota momonondok tuuno, Mian Bisa lubat tukon lalaangan.

³Konda Mian Bisa lubat tuko aki nabaino batingaakon, Yana linolukoni bilat mokait-kait, tukon tinokuuni sokoi molokis.

⁴Yana uange kotimbu tukon buta tuuk mosakisiyo yana moadiliyo Konaumat.

⁵Katanya, “Pototongikenemokai saibino Daku umat molapamo paladandi tukon Yaku, tukon kinonggoli tukon sosubakon motinembel.”

⁶Kotimbu babotilanggene baikon ko Mian Bisa adiliyo Konaumat, tukon baikon yana susungo konahakim.

⁷“Polengelekai, Daku mian, yaku yase basilingan, Israel, yaku yase basakisii motuuk doi komuyu; Yaku nia Mian Bisa, mu Mian Bisa.

⁸Bolikon sabab pososubakon yaku tuduwo komuyu; komusosubakon mosinua sidutu daano doisalanggu.

⁹Aki kupalaluwo komusaapi modaano doi mukandang, kai mbembe moluwe doi meeng kotambuno komu iyayon piniala;

¹⁰sabab sasaibino koiyayon doi mosolot daanokai konggu, tukon koiyayon piniala modaano doilipuno.

¹¹Sasaibino kotomisi doilipu nabunggulan doiya koidan konggu, tukon sasaibino kolangge-langge motubo doipadang moluas lalomo.

¹²Kalu yaku malaal, aki napalaluu yaku bantile doikoo, sabab kodunia tukon sasaibino koantoko daanokai konggu.

¹³Aki kukaane kosaapi langgilo sailo aki koidan kuinume kombembe langgilo sauno.

¹⁴Sosubakenekai kososubakon sukuur doi Mian Bisa, tapatiyokai komu paladandian doi Mo Tatandak Tuuno.

¹⁵Masadaikenekai doi Yaku doi tempo nasulitan, Yaku naikon sobiiyomo komuyu, tukon komuyu naikon ngaala-Ku.”

¹⁶Bai doi mian molokis ko TEMENENO bantile, “Ikoo akiyo komuhak mobantile Dakuukum, tukon basilingan tentang Dakupaladandian.

¹⁷Sabab aki muyase talimayo Daku panganuukon, tukon ikoo tolayo Daku parentah-parentah.

¹⁸Kalu ikoo kitayo komeeng kopondikuk, ikoo lainge yana, tukon ikoo yase pololonggon tukon mian-mian moyase basindua.

¹⁹Ikoo sidutu bantile komo lokis, tukon sidutu siap mobatipu.

²⁰Ikoo momeenggon bapitanaakene koutusomu, tukon bantil-bantile lokis koutusomu meeng kotama tina.

²¹Doiyakai komulinakukon, bai Yaku tongo batingaakon tolong, jadi ikoo pikikene Yaku tongo pokakana ikoo. Bai budodoiya Yaku asalakene ikoo, tukon sasaibino doiya Yaku tealikene tokita doikoo.

²²Palaatikanggenekai, komuyu motoliminggene ko Mian Bisa, dagayokai sulano inai napolong Yaku akatekomuyu, tukon akiyo komo salamatene.

²³Komian momososubakon sukuur salaku nasosubakon, yanakai komo odotiiyo Yaku; tukon doi mian momasadia loloon naikon Yaku tudoikene kokasalamatan moluwe doi Yaku.”