Read Banggai SADEONG 53 Bible Online

SADEONG 53 - Banggai bible

SADEONG 53

¹Tuuk mokatuaiyo komanyanyian. Mololoi lagu: Mahalat. Daud nanyanyian pongotunggul.

² Komian mobobongakon bantil doi noano lalom, “Akiyo ko Mian Bisa.” Konapokokubai lokis tukon minisikiton akiyo komo mokubai monondokan.

³Doi surgaa ko TEMENENO mbalenge konabangkapi, sulano namoumbolii mian pandoy mososubayo yana.

⁴Bai sasaibino komian isamo tukon kulokiso konakokubai akiyono komeengkai komian momokubai monondokan.

⁵Ko TEMENENO bantile, “Aki nasadaliyokai domian-mian molokisoo? yanila tubo tongo lambase Daku mian, tukon aki napo biasa sambeang doi Yaku.”

⁶Komian molokis naikon matakut tuuno, baanggokai akiyo komo tokutiyo, sabab ko Mian Bisa sabukene komian bukuno molobosiyo komuyu; yanila Mian bisa tolayomo maka komuyu naikon lungguiyomo yanila.

⁷Luwedoi Bunggul Sion lubatokai naikon kokasalamatan doi Israel. Maka Yakub nakatulunan naikon labalaba kalu ko TEMENENO abalikene tukon monondok Kona mian ndondongo.