Read Banggai SADEONG 54 Bible Online

SADEONG 54 - Banggai bible

SADEONG 54

¹Tuuk mokatuaiyo konyanyian. Tukon linolaing kacapi. Daud nanyanyian pongotunggul,

² salataa ko Zifi miano lubat mobontiikene doi Saul, “Daud basokon doi kami.”

³Oh Mian Bisa, sabab Mukuasa salamatenemo yaku, tukon Mubukuanan beenggukai kaadilan.

⁴Oh Mian Bisa lengelekai daku kakabi, tukon musanaangan palatikanggenekai daku bantilan-bantilan.

⁵Sabab komian molulubaton kokondong lobosiyaku, komian mobabanggaal yase akateyaku, tukon yanila aki napopusinggon ko Mian Bisa.

⁶Bai komian Bisa yanamokai komo tulungiyaku ko TEMENENO doiyamokai komo belaaku.

⁷Yana ukume daku musuh sabab napo kulokisan susungo, tukon akateyo kabus yanila sabab Yana tulut-tulutan doi yaku.

⁸Tukon nasanaangan konoanggu yaku mososubakon sosubakon doi-Koo, tukon basukuur doi-Koo sabab Ikoo monondok, oh TEMENENO.

⁹Ikoo sodiiyakumo luwedoi sasaibino kokasulitan, tukon yaku kitayo komusuh linungguimo.