Read Banggai SADEONG 55 Bible Online

SADEONG 55 - Banggai bible

SADEONG 55

¹Tuuk mokatuaiyo konyanyian. Tukon naminaenggonan kokacapi. Daud nanyanyian pongotunggul.

²Oh Mian bisa, lengelekai daku sambeang, inai mototonggulunge daku kakabi.

³Palaatikangganakukai tukon timbiliyakukai, yaku manas sabab kususaan.

⁴Konoanggu aki sanaang sabab yaku linubotii tukon linobosi musuh tukon mian lokis napalainglainggon. Sabab yanila tealikene susah, daku tuboan, tukon koidan napo nggimalan musuiyo yaku.

⁵Konoanggu susah tuuno, komatean tealikene konoanggu matakut.

⁶Yaku tinutupi bubusakan tukon matakutan, tinitiiki luwe palasaan mosilaka.

⁷Ah, kalu andeno daano kokapilonggu buno lapatiing, yaku naikon benga moumbolii lipu moaman.

⁸Ode, yaku naikon benga dodoon tuuno, tukon dungol doi padang lalomo.

⁹Yaku naikon basadiamo momoumbolii lipu soopan tuuk mobulenggene kosokoi.

¹⁰Oh TEMENENO, tealikene napusing daku musuh-musuh, nggabutekai konapo basalitaiyan sabab doi kota yaku kitayo komian nabegalan tukon kopoakatean.

¹¹Oloyo popook yanila bailing, lakukene kokulokisan tukon lubatene konggabutan.

¹²Diyaya daano kobamanasaan, kobalai-lainggonan tukon kobatipuan marajalelamo doi labotan.

¹³Kalu andeno musuh mototulaiyaku, yaku daanon momoola taane. Kalu andeno daku musuh komo totulaiyaku, yaku daanon momoola basookon luwedoi yana.

¹⁴Bai sabab ikoo, kotulanggu, dakusobat, tulanggu sobat komo kulokisangganaku.

¹⁵Loluk kita polaing-laing tukon monondok, tukon moola kaleda polaing-laing doi Temeneno Na Bonua.

¹⁶Batadikenekai daku musuh nasosinggot mate tukon tubo-tubo bulus doi mian mate nalipu. Sabab kokulokisan daano doi napo bonua, doi yanila tanga-tangano.

¹⁷Bai yaku uwang doi Mian Bisa, ko TEMENENO naikon salamatanaku.

¹⁸Kooloyo popook yaku bebe tukon kokiil, tukon Yana lengele koalalonggu.

¹⁹Yana salamatanaku luwedoi musuh namolobosian, mopotutuundu molawanaku.

²⁰Ko Mian Bisa momaparentah polong sidutu-posidutukon naikon longolaku tukon lungguiyo yanila. Sabab aki napo yase badodoloon, tukon aki napo matakut doi Mian Bisa.

²¹Kotula-tulanggu looluk lobosiyo kotula-tulano, yana akiyenggene konapaladandian.

²²Konabantil-bantilan pongoluuli alus tuuno, bai doi noa lalom moono tukon mosikitan. Konasilingan mantalamuyuk, bai batiik buno bakoko momamangan.

²³Salakanggenekai komu matakutan doi TEMENENO, sabab Yana naikon tomboniikon; tobikon doiya komian moloyos konoano aki Napaitaikene nalinunggui.

²⁴Bai Ikoo, oh Mian Bisa, naikon Ikoo usekene yanila doi leeng moatean tuuno. Sasaibino kopotipu tukon kopangakate aki naikon napitanga konapo umur. Bai yaku maangga doi-Koo.