Read Banggai SADEONG 56 Bible Online

SADEONG 56 - Banggai bible

SADEONG 56

¹ Tuuk mokatuaiyo konyanyian. Merpati lagu: Malapatiing moponga, luwedoi lipu moodoon. Daud na Sadeong salataa Filistin mianno lakeo yana doi Gat.

²Mamaasikanakukai, oh Mian Bisa, sabab yaku linobosi, banggadudul yaku linoilokis luwedoi kumusuh.

³Popuson kooloyo yaku tinudang-tudang luwedoi kumusuh; badaangkai komo musuwo yaku, oh Mian Bisa Mo Tatandak Tuuno.

⁴Doi tempo yaku matakut, yaku moinikonggon.

⁵Yaku nggaale ko Mian Bisa sabab oila komo lapamo paladandikene; yaku mangangga doi Yana, maka aki kumatakut, kobangkapi akiyono kona mokubaiyan doiyaku.

⁶Sasamba kooloyo komusuh nggabute dakupalakala, banggadudul momeeng yanila mokakaate moosilakaku.

⁷Yanila mokubai pomenggonan molokis tukon yanila basookon doi lipu motosookon, tuuk yanila mata-mataiyo sasaibino dakulinakukon, tukon yanila moumbolii todanan sulano napoakateaku.

⁸Danokai kasalamatan doi napo kulikisan? Silakayokai yanila doi Munggimalan lalomo, oh Mian Bisa!

⁹Ikoo aite daku oloyo-oloyo lausalaan, tukon Ikoo toiyo kona kadaang komatanggu paisuno, akikai naikon muaite?

¹⁰Doi oloyo kuuangan doi-Koo, komusuh naikon ninanal dampas, sabab yaku toiyo ko Mian Bisa ala doiyaku.

¹¹Yaku nggaale ko TEMENENO Mian Bisa, sabab oila konadinandikon.

¹²Yaku maangga doiya-Na, tobikon doiya aki kumatakut, kobangkapi aki namoola kubaiyo oioila doiyaku.

¹³Yaku naikon tapatiyo dakudandi doi-Koo, oh Mian Bisa, tukon yaku mososubakon sosubakon suukur doi-Koo.

¹⁴Sabab Ikoo oluputakumo luwedoi matean, Ikoo dagaiyaku sulano naaki kutowong. Sabab doiya yaku mooala tubo doi Mian Bisa nasoopan lalomo, doi laango motalaangiyo sasaibino komo tubo.