Read Banggai SADEONG 60 Bible Online

SADEONG 60 - Banggai bible

SADEONG 60

¹Tuuk mokatuaiyo konyanyian. Loingiyo kolagu: Nasinakasiian kobakung bungano. Nyanyian otunggul moluwedoi Daud,

² doi tempo nalobosiano ko Aram-Mesopotamia miano tukon Aram-Zoba miano, tukon doi tempo Yoab mule tukon lungguiyo ko 12.000 ko Edom miano doi Asin Pepelako.

³Ikoo nggimoliikami; oh Mian Bisa, tukon ikoo sobiinggene mai linunggui. Ikoo nggimolikami; budodoiya abalinggenekai kami.

⁴Ikoo unggete ko dunia sampe manas; kindendekekai komo mapasa-mapasa, sabab kodunia unggot.

⁵Ikoo batadikene Komumian natoupiyo kosakisaa motoong; kami todu-toduwokon pokakana komian malangu.

⁶Yaku beena ingatan doi mian-mian momoliyous, sulano napo luput luwedoi ukuman.

⁷ Salamatanggamikai tukon Mukuasa, timbiliyokai komai sambeang, sulano komian-mian Ikoo momamaasikene nasinalamaton.

⁸Luwedoi nadungolan momoliyous ko Mian Bisa bantile, “Yaku yase laba tukon Yaku ebes-ebese ko buta Sikem; ko Sukot Pepelako naikon Yaku undiyo.

⁹Gilead tukon Manasye daanokai Koonggu, Efraim Kusonggo besi, tukon Yehuda Kutongkat botomudoan.

¹⁰Bai ko Moab daanokai kutampat kumosiano Koainggu; Yaku kokuweis sabab manaangan moluwedoi Filistea. Doi Edom Yaku lombitikene Dakusandaal salaku paloosan baikon yana Koonggu.”

¹¹Indee naikon komo babaaku doi Edom? Indee komo tandanaku doi kota mopinangal kayungo?

¹²Oh Mian Bisa, akikai naikon Mumalaing polaing kami? Akikai naikon Mumaju polaing komai suludadu?

¹³Tulungikamikai luwedoi musuh, sabab kobangkapi napotombonii akiyo kotakoso.

¹⁴Tukon Mian Bisa, kita naikon tambongan ngganggasan, Yanakai komo lungguiyo konda musuh.