Read Banggai SADEONG 62 Bible Online

SADEONG 62 - Banggai bible

SADEONG 62

¹Tuuk mokatuaiyo konyanyian. Loingiyo: Yedutan. Daud na Sadeong.

²Tukon tanaang dakujiwa totiiliyo ko Mian Bisa, luwedoi yana tolong daku kasalamatan,

³Tongo yana komo osoopaku tukon mosalamatanaku, Yana teali kupebela, jadi aki kutounggot.

⁴Polong oila kotempono komuyu sasaibino kopo iyasano molobosiyo sasamba komian mopokakanamo kosasanggal motombing tukon pagal bineton moadukono molomboh?

⁵Komuyu tongo batetel motuwenge yana luwedoi nabasambuan motatandak. Komuyu yase bakala-kala, tukon sumuyu komo mabalakaati, bai doi noamu lalomo komuyu kutuke.

⁶Tukon tanaang dakujiwa totiliiyo ko Mian Bisa, tongo luwedoi Yana tolong dakusalamatan.

⁷Tongo Yana komo osoopaku tukon mosalamatanaku; Yana teali kupebela, jadi aki kutounggot.

⁸Yanamokai ko Mian Bisa mobeenggu kasalamatan tukon tongodotiian, Yanakai daku soopan tukon dakupebela mobukuan.

⁹Eh dakubangsa, moinikai doi Mian Bisa sasamba kotempo; kundange kai konoamu antoko doiyana, sabab tongo doiyanakai konda lipu soopan.

¹⁰Kobangkapi natuboan tongo buno ansaangan idan, babasal poipoisik pokakana akiyo koanggano. Kaluna tinimbang, yanila tontong mimilaan, lobian konamimilaanan tukon ansangan idan.

¹¹Inai moinikene kopo hasil linaat doi mian popinakisaa, tukon inai balaanggene kobarang molinambas. Tukon kalu komukasaan sosuungi, inai konoamu nalapot doi mubuatoo.

¹²Bubula luunggon kulengele ko Mian Bisa bantile, baikon kokuasaan lengget luwedoi yana,

¹³ tukon baikon yana tataap meseseang. Oh TEMENENO, Ikoo, balase sasamba komian mololoi nakokubai.