Read Banggai SADEONG 63 Bible Online

SADEONG 63 - Banggai bible

SADEONG 63

¹ Daud na Sadeong, doi tempo nadaanoan doi padang gurun Yehuda.

²Oh Mian Bisa, Ikookai daku Mian Bisa, yaku umba-umbale tukon yaku peleenggene Ikoo. Pokakana kobuta motabutalaon moloukene kopaisu, bunomodoiyokai dakumoloukanano doi-Koo.

³Sabiiyakumokai mbalenge Ikoo doi Mubonua, tukon kukitayo Komubukuanan tukon Komubabasalan.

⁴Komuseang lobian koanggano luwedoi tuboan, tobikon doiya yaku nggale Ikoo.

⁵Kalu yaku daanoon motubo yaku basukuur doi-Koo; yaku bingkate kolimanggu doi-Koo tukon kusambeang.

⁶Yaku nggale Ikoo tukon kokuweis labalaba, sabab Ikoo akambule kobutonggu pokakana kokinaan momaanis.

⁷Doi tempo kunggoinggolinggonan doi moloan, yaku neneke doi-Koo; popupuson kopopook yaku pikikene Ikoo,

⁸sabab Ikoomokai komo tulungiyaku; doi kapilo-Mu kusoopan lalomo yaku manyanyi labalaba.

⁹Yaku taatiyo Ikoo momoonggol, kolima-Mu tumbakaku.

¹⁰Bai komian-komian moiyase akateyaku naikon bulus doi mian mate nadunia.

¹¹Yanila naikon mate doi polobosian lalomo, tukon teali iyayon barani nakinaan.

¹²Ko Tomundo naikon labalaba sabab Mian Bisa natulungan; komian mobatotopi tukon Mian Bisa sambuno naikon banggal-banggaal, bai komian mobakala-kala babano naikon sinosongi.