Read Banggai SADEONG 64 Bible Online

SADEONG 64 - Banggai bible

SADEONG 64

¹Tuuk mokatuiyo konyanyian. Daud na Sadeong.

²Oh Mian Bisa, lengelekai daku sambeang doi tempo kususaan, salamatene kobutunggu luwedoi musuh mominatakuton.

³Osoopakukai luwedoi pomeenggonan komian molokis, luwedoi mian-mian natetel molokis.

⁴Yanila kubaiyo koalepoila pokakana kosabel konamamanganan, tukon masakukon bantilan-bantilan molokis buno panah.

⁵Luwedoi nabasookonan yanila beasene kosalita mokala, aki namatakut yanila bapitanaakene komian moakiyo kona salah.

⁶Yanila bataani moonggol doi naniat molokis, tukon yanila popikili sulano napokonoikene kotalong; konapopangaanggon akiyo komo kitayo.

⁷Yanila mokubai tetel molokis, tukon bantile, “Komuyu mokubai tetel molicik tuuno.” Kobangkapi noano tukon konapikilan atean tuuno, aki namola tinulokii.

⁸Bai ko Mian Bisa panakene Kona panah doi yanila, tukon sosinggot yanila pakolono.

⁹Yanila mate sabab napo bantilan susuungo; sasaibino komokitayo suwalilinggene ko oluno.

¹⁰Maka sasaibino komian naikon teali matakut; yanila pikikene ko Mian Bisa nakokubai tukon babotilangene oila komo lapamo Yana lakukene.

¹¹Maka sasaibino komian monondok konoano naikon labalaba sabab oila ko TEMENENO nalinimang. Yanila naikon soop doiya-Na; sasaibino komian moloyos konoano banggaal.