Read Banggai SADEONG 65 Bible Online

SADEONG 65 - Banggai bible

SADEONG 65

¹Tuuk mokatuaiyo konyanyian. Daud na Sadeong doi Temeneno. Nyanyian.

²Oh Mian Bisa, siokai mai nggaale Ikoo doi Sion, tukon sio mai topatiyo komai dandi doi-Koo.

³Sabab Ikoomokai komo satujuiyo kosambeng; sasaibino komian lubat doi-Koo sabab baladosamo.

⁴Daku dosa-dosa todudul motoong doiyaku, bai Ikoo ampuniyo.

⁵Kinatauwankai komian Ikoo molilikemo, tukon Ikoo uwangemo sulano nadungol doi Mu Bonua. Kami naikon inakambul tukon sasaibino komo monondok doi Mu Bonua, doi Mudungolan momoliyous.

⁶Ikoo timbiliikami tukon beenggami kamanangan, Ikoo lakukene kolangge-langge mominasaindinggon sulano Musalamatanggami! Ikoomokai sasaibino kobangsa namoiniyan polong doi tobun dapango moodoon.

⁷Tukon mubukuanan ikoo koloyose kobunggul-bunggul, sulano muokitakenen komukuasa momonondok tuuno.

⁸Ikoo atadeiyo kotobun naliyookonan tukon kobokol nabasidaan, tukon Ikoo tealikene aman kobangsa-bangsa nanggabutan.

⁹Sasaibino kodunia tumbuno matakut tukon odotiiyo salataa yanila kitayo Komukokubai-kokubai momonondok. Posaapon kodunia luwedoi bunduno polong doi bunduno Ikoo kubaiyo kokuweis laba-laba.

¹⁰Butadoo Ikoo pialayo tukon Ikoo beena udan. Tukon Ikoo tealikene malumbang tobikon doiya kohasilo badaang tuuno. Kopaisu-paisubatango Ikoo ontokiyo moono tukon paisu. Ikoo masadiakene gandum doi yanila. Jadi, bunomo doiyakai Komu masadiakanano.

¹¹Ikoo beena paisu kona bajak tukon Ikoo mbetokiyo kobuta binsi-binsilo. Ikoo akamanase tukon udan, tukon Ikoo pialayo kosopi-sopiino motubo molumbang.

¹²Tobikon Mumonondokan, sasamba kotaun Ikoo sadiayomo kobapupuian; inaando Komulubatan, daano kokinaan molobian.

¹³Kopadang gurun moono mbembe tukon domba, sasaibino kobukutiino linabakon.

¹⁴Bulung-bulung doi padang totombuki tukon domba, kopepelako-pepelako moono tukon gandum. Sasaibino komian kokuweis tukon manyanyi labalaba.