Read Banggai SADEONG 66 Bible Online

SADEONG 66 - Banggai bible

SADEONG 66

¹Tuuk mokatuaiyo konyanyian. Meeng konyanyian. Pokokuweis-kokuweiskai tuuk doi Mian Bisa, eh sasaibino komian doi dunia!

²Pomanyanyikai tukon poakabasalekai Kosambuno, poodotiiyokai Yana tukon pongganggaale.

³Pobantilekai doi Mian Bisa, “Tutuu Komukokubai minasaindinggon tuuno! Komusuh somba doi-Koo tukon matakut, sabab komukuasa babasal tuuno.

⁴Posaapon Komian doi dunia somba mososubaikon, yanila manyanyi nggaale Kosambumu.”

⁵Polubatokai tukon pombalengekai ko Mian Bisa nakokubai, tutuu kobangkapi masaindinggene Konalimang.

⁶ Kotobun Yana boliiyo teali buta motuul, komai tulunan pintosiiyo tukon ampakon aiai. Maka teali labalaba sabab Nakokubai.

⁷Yana maparentah tukon inodotii tuuk sidutu-posidutukon. Kobangsa-bangsa Yana dagaiyo, sulano komian moiyase nggimal aki naamoola tealikene babanggaal doiya-Na.

⁸Ponggaalekai komai Mian Bisa, eh komuyu ko bangsa-bangsa, pelenggenekai komunggaalano doiya-Na!

⁹Yana dagaikamimo sulano mai tataap tubo, tukon aki nasobiikami tuwong.

¹⁰Oh Mian Bisa, Ikoo lapamo ujikami pokakana komian mosopu suasa doi bilat lalomo.

¹¹Ikoo batadikanggami tuwong doi bitu lalomo, tukon Ikoo beenggami tanggungan motoong.

¹²Ikoo batadikene mai pinipiik musuh, kami pintosiiyo koeyaba tukon bilat. Bai budodoiya Ikoo lapamo babakami doi lipu mosanaang.

¹³Yaku naikon makanggi sosubakon mosinua doi Mu Bonua tukon yaku tapatiyo daku dandi doi-Koo,

¹⁴dandi yaku mobantile doi tempo kususaan lalomo.

¹⁵Yaku mososubakon doi-Koo sosubakon mosinua moluwedoi iyayon mopinilimo, mbembe domba tukon sapi langgilo, kotibolungo kalikuulan doi timbu.

¹⁶Polubatokai tukon polengelekai, eh sasaibino komian momoliyous, tukon naikon yaku basalitakene oila komo lapamo ko Mian Bisa lakukene doiyaku.

¹⁷Yaku lapamo uwang makabi tulung doiya-Na; budodoiya yaku nggaale tukon manyanyi doiya-Na.

¹⁸Kalu andeno yaku sanaang mopikikene kokulokisan, pasti ko TEMENENO aki naiyase molengele.

¹⁹Bai ko Mian Bisa lapamo longolaku, Yana perhatikanggene daku kakabi.

²⁰Yaku nggaale ko Mian Bisa sabab aki Natolayo daku sambeang, tukon aki natade mamaasikanaku.