Read Banggai SADEONG 67 Bible Online

SADEONG 67 - Banggai bible

SADEONG 67

¹Tuuk mokatuaiyo konyanyian. Tukon linolaing kacapi. Na Sadeong doi Temeneno.

²Boliisi ko Mian Bisa nameseseang tukon nabalakaatiyo kita, boliisi nambalenge kita tukon noano mobilisii.

³Oh Mian Bisa, boliisi Komumongisan natinoi doi pasapoonko dunia, tukon Komukasalamatan nainokitakonggon doi sasaibino kobangsa.

⁴Boliisi kobangsa-bangsa nangganggaalon, oh Mian Bisa, boliisi sasaibino kobangsa napo, basukuur doi-Koo.

⁵Boliisi sasaibino kobangsa nakokuweis labalaba, tukon napo manyanyi labalabaan. Sabab Ikoo maparenta tukon adil tukon andane sasamba kobangsa doi dunia.

⁶Boliisi kobangsa-bangsa nangganggaalon, oh TEMENENO, boliisi kobangsa sasaibino napo basukuur doi-Koo.

⁷Kobuta beekenemo konahasil, Mian Bisa, konda Mian Bisa lapamo balakaatiyo kita.

⁸Ko Mian Bisa balakaatiyo kita; boliisi Nainodotii doi posaapon kodunia!