Read Banggai SADEONG 7 Bible Online

SADEONG 7 - Banggai bible

SADEONG 7

¹Daud namandaungan, mominananikon tuuk doi TEMENENO sabab Kus, do Benyaminoo miano.

²Oh TEMENENO Ku Mian Bisa, yaku soop doi-Koo; salamatenemokai tukon sobiiyomokai yaku luwedoi sasaibino komian molelenggene yaku.

³Inai mobatadikene yanila napokakana kosinga mosokuwo tukon tandanaku tukon akiyono kotulungan doi yaku.

⁴TEMENENO ku Mian Bisa, kalukai yaku makabai mosalah, mokubai lokis motuuk doi tulando kai molugiyo konamusuh moakiyo kona alasan, kalukai yaku makabai bunodoiya.

⁶Sodiyomokai kulinolonggon tukon kulinako musuh, lalu inakate tukon tininggalo doibuta.

⁷Osumbutenemokai komunggimalan, oh TEMENENO, lawanemokai daku musuh-musuh nambuwolan. Bangunokai tulungiyaku, sabab ikoo tuntute kokaadilan.

⁸Potongikenemokai kobangsa-bangsa doi mupotikunggonan, tukon kuasaiyomokai yanila doi mubatomundoan doi surgaa.

⁹Ikoo akimiyo kobangkapi; benggukai kaadilan, oh TEMENENO, sabab akiyo daku salah.

¹⁰ Tadeiyomokai komian molokis naku lokisan tukon kobukuanggene konoano komian monondok, sabab Ikoo Mian Bisa mo adil, momoola toiyo kobangkapi noano tukon napikilan.

¹¹Dakusoopan doiyamo Mian Bisa mosalamatene komian mo moloyos konoano.

¹²Ko Mian Bisa daanokai hakim mo adil, mo sasamba kotempo ukume komian mo lokis.

¹³Kalu konapo kalakuan nabolii, yana batotobo tukon sinapan mo kateyo komian. Yana bilase konasabel tukon tidekene konapana batanggo, maka naarahkanggene kona panah-panah modaano kobilato.

¹⁵Kitayokai, komian molokis kubaiyo kotetel molokis; yana mokubai tetel mo lokis tukon lakukene kobatipuan.

¹⁶Yana makali bitu tuuk doi mian bailon, bai yana susuungu tuwong doi lalomo.

¹⁷Jadi yana inukum luwe nakulokisan susuungo, tukon sinakisaa luwe natuumba-tumbakon susuungo.

¹⁸Yaku basukuur doi TEMENENO sabab yana adil, yaku manyanyikene konggaalono doi TEMENENO, Moinakatandak Tuuno.