Read Banggai SADEONG 77 Bible Online

SADEONG 77 - Banggai bible

SADEONG 77

¹Tuuk mokatuaiyo konyanyian. Loingiyo: Yedutun. Asaf na Sadeong.

²Tukon bulungan koalalonggu yaku uwang doi Mian Bisa; tukon bulungan koalalonggu yaku uwang, tukon Yana longolaku.

³Doi tempo susaan yaku sambeang doi TEMENENO; sasamba kopopook yaku tidekene kolimanggu doiya-Na bai aki kupakadak, bai konoanggu aki naiyase kinindodok.

⁴Kalu yaku neneke ko Mian Bisa, yaku bakalaakon, kalu yaku tandandayo konoanggu pololokon pau-pauno.

⁵Ko TEMENENO kubaiyaku aki namoola moolo doi tempo popook, aki sanaang konoanggu sampe aki namoola yaku basilingan.

⁶Yaku pikikene kooloyo-oloyo molapamo, yaku neneeke tukon tandandayo kotaun-taun molapamo.

⁷Doi tempo popook yaku bapikir-pikir, tukon mansa-mansadai doi noanggu lalomo,

⁸“Tuuk posidutukonkai ko TEMENENO natolaano tukon aki napokonoi koidan?

⁹Oilakai Yana lapamo tade moseseanggami? Akikai natapatiyo Konadandi koidan?

¹⁰Ko Mian Bisa lapamo toliminggenekai tentang kona seseangano komian? Nggimalokai Yana, sampe akiyono konaseang koidan?”

¹¹Maka kubantile, “Naiyakai komo sakitiyo konoanggu, baikon Mo Tatandak Tuuno akiyono kona kuasa koidan.”

¹²Yaku yase neneeke Komu kokubai-kokubai TEMENENO, kalu kutandandayo Komu minasaindinggonan-minasaindinggonan doi loonu loolukon.

¹³Yaku yase tandandayo sasaibino Komu linakukon, tukon pikikene Komu limang-limang mohebat.

¹⁴Oh Mian Bisa, sasaibino Komu kokubai moliyous, indeekai komo pokakana kona kabasal tukon komai Mian Bisa?

¹⁵Ikoomokai ko Mian Bisa komo lakukene kolangge minasaindinggon, Komukuasa molapamo Ikoo jelaskanggene doi antara kobangsa-bangsa.

¹⁶Tukon Mubukuanan Ikoo olupute Komumian, Yakub tukon Yusuf nakatulunan.

¹⁷Kalu Ikoo kinita, oh Mian Bisa, kopaisu teali busak, tukon koidan, kobuta doi tobun sukanokai lolondong.

¹⁸Kobonom lubatene koudan, koduluk tolindungan; kodidip bapondili doi sasaibino kolipu.

¹⁹Koduluk tolindungan, kodidip seleseon, kodunia unggot tukon lolondong.

²⁰Ikoo ambakon loloiyo kobokol, pintosiiyo kotobun mobebelan, bai komulaal aki natokita.

²¹Pokakana kopotooli iyayon Ikoo lolainge Komu mian, tukon perantaraan luwedoi Musa tukon Harun.