Read Banggai SADEONG 83 Bible Online

SADEONG 83 - Banggai bible

SADEONG 83

¹Asaf na Sadeong doi Temeneno: Meeng konyanyian.

²Oh Mian Bisa, inaikai mobabongoli, inai moosipute kolimamu tukon tongo dungol batingaakon.

³Kitayokai komusuh mobukal konoano, komian-mian momosikitene Ikoo yase molawane Ikoo.

⁴Yanila mokubai tetel molokis sulano napo lawane komumian; tukon yanila pobasalitaikene bulaando koakalo kolawanano komumian-mian ikoo modagaiyo.

⁵Konapo bantilano, “Maimo nda akamanase kobangsa Israel, sulano kosambunoila akimo naninonook.”

⁶Kobangsa-bangsa lapamo pomeenggon, tukon lapamo pomeenggon pikiran molawane Ikoo:

⁷kobangsa Edom tukon Ismael, ko Moab tukon Hagar mian-miano;

⁸kobangsa Gebal, Amon tukon Amalek, kobangsa Filistin tukon ko Tirus tumbuno.

⁹Tukon koidan ko Asyur miano pomeenggono pikiran tukon yanila, sulano nawakiliyo Lot nakaturunan.

¹⁰ Lakukenekai yanila pokakana ko Median miano, pokakana Sisela tukon Yabin doi Kisyon Paisunobatango,

¹¹molapamo minanas lapus doi Endol, tukon tealikene pokolumbang buta.

¹² Lakukenekai konapo pamarentah pokakana Oreb tukon Zeeb, akalayokai konapo katua pokakana Zeba tukon Salmuna.

¹³Sabab yanila bantilemo, “Main nda dungoliyo ko Mian Bisa nabuta dungulan.”

¹⁴Oh Mian Bisa, tipasenekai yanila napokakana ko ambata, pokakana kolabuwe batango momotuulo mopinuul mbombuul.

¹⁵Pokakana kobilat molalakene kobabono, kobilat laango molalakene kobunggul-bunggul.

¹⁶Lelenggenekai yanila tukon Mukuasa mobukuan pokakana kosokoi mososinggot tukon tealikene yanila ngginggim tukon Domu sokoidoo.

¹⁷Oh TEMENENO, batadikene napo tinotulai, sulano napo akuiyo Komu kakuasaan.

¹⁸Batadikenemokai napo sidutu inakkamaa sulano napo matakut, batadikenemokai napo mate doina kulokisan tuuno.

¹⁹Boliisi napo toiyo tongo Ikookai Mo Tatandak Tuuno. TEMENENO, mokuasaiyo posaapon kodunia.