Read Banggai SADEONG 85 Bible Online

SADEONG 85 - Banggai bible

SADEONG 85

¹Tuuk mokatuaiyo konyanyian. Korah pulino na Sadeong doi Temeneno.

²Oh TEMENENO, Ikoo yase komu buta, ko Israel ndondongo Ikoo piliyomo.

³Ikoo lapamo ompuniyo Komumian nalalim-lalim; sasibino konapo kasalahan lapamo Ikoo maafkanggene.

⁴Akimo koidan Munggimoliiyo yanila; Komungginalan minasaindinggon Ikoo bubute koi-koidan.

⁵Oh Mian Bisa mai pasalamat, abalikanggamikai domai tuboan loolukon, inai monggimolikami koidan.

⁶Tuuk posidutukonkai komunggimoliiyano kami, tukon komungginalan tataap polong domai katulunan?

⁷Abalakenekai komai bukuanan koidan sulano kami teali labalaba sabab mutulungan.

⁸Oh TEMENENO, okitakenekai baikon komu seang tataap sidutu-posidutukon, tukon komukasalamatan moluwedoi Ikoo beekanggamikai.

⁹Yaku yase molongol ko TEMENENO Mian Bisa Nabantilan; sabab Yana perjanjikenemo kotuboan moaman doi kita, Namian, asal akimo koidan nda abali mokubai lalim.

¹⁰Tutuu, Yana basadia mosalamatene komian motubo setia, tukon Mian Bisa mobabasal naikon dungol doi nda tano.

¹¹Koseang tukon kotaatan naikon pososung, kokaadilan tukon podamean naikon polobok-lobok.

¹²Kobangkapi nataatan naikon tubo luwedoi dunia, tukon ko Mian Bisa nakaadilan tootuku luwedoi timbu.

¹³Ko TEMENENO beekene komo monondok, sampe konda buta lubatene konahasil.

¹⁴Kokaadilan naikon loolukoniyo ko TEMENENO, tukon masadiakene loloon doiyana.