Read Banggai SADEONG 90 Bible Online

SADEONG 90 - Banggai bible

SADEONG 90

¹Musa Mian Bisa naata nasambeang. Oh TEMENENO, Ikoomokai komai soopan turun-temurun.

²Akiyoon kobunggul-bunggul napinasitaka, akiyoon kobuta tukon dunia Mutealikene, Ikoomokai ko Mian Bisa mo tutuu, akiyo kona tambunuan tukon napupusan.

³Ikoo sumboliiyo kobangkapi naabali doi naluweyan, nateali abu pokakana doi tumbeno.

⁴ Doi koo 1.000 ko taun buno meeng kooloyo, koiyuan kooloyono lapamo lapa; buno meeng koobos badagaian doi tempo popook.

⁵Ikoo laline kami; kami pokakana momonii, pokakana kobulung mosopii;

⁶doi tempo dodowa yana tubo tukon molumbang, bai teali molooyu doi tempo kinobian

⁷Kami ngginggim luwe Munggimalan, tukon kabus mate luwedoi Munggimalan.

⁸Ikoo abese komai sala doi salaa-Mu, komai lalim motosookon Ikoo moola kitayo.

⁹Sabab Munggimalan maka komai tuboan tealimo paupalus, komai taun-taun napupusan tongo buno ansaangan idan.

¹⁰Komai loonu tuboan tongo pitu kolono kotaun, kalu kami bukuan alu kolono kotuan. Bai tongo susaan tukon sakisaawan komai linaat; salataa lapa tubo soisobit, kamikai lapuso.

¹¹Indeekai komo tinggoniiyo Komunggimalan nakulokisan, kai sukup toiyo akibat Munggimalan?

¹²Tealikenekai mai toiyo naikon konamosobitan natuboan nia sulano mai teali mian mo moloyos konoano.

¹³Oh TEMENENO polong doi tempo oila komu nggimalan? Abalimokai tukon seseangemokai Komupeleleani-peleleani.

¹⁴Okumbeyokai Komumaasi doi kami sasamba kododowa, sulano mai labalaba tukon manyanyi kalu kami daanoon motubo.

¹⁵Beenggami namomondokan buno pokakana tukon kosakisaawan kami motanggunge doi taun-taun sakisaawan lalomo.

¹⁶Tudoikanggamikai Komu limang doi kami doi Mupeleleani, tukon Komu kuasa mobabasal.

¹⁷Oh TEMENENO mai Mian Bisa, balakaatiyokai kami, sulano sasaibino komai limang nadaano kohasilo.