Read Banggai SADEONG 91 Bible Online

SADEONG 91 - Banggai bible

SADEONG 91

¹Komian mosoop doi Mo Tatandak Tuuno, tukon dunggol doi Mo Babasal Kona kuasa lalomo,

²moola bantile doi TEMENENO, “Ikoomokai daku pembela tukon daku soopan, daku Mian Bisa, doi Ikoomokai daku maanggaan.”

³Yana naikon olupute ikoo luwedoi silakaan motosookon, tukon luwedoi sesel mobabayo komatean.

⁴Yana naikon itolungiyo ikoo tukon kapilo, tobikon doiya ikoo aman doi Nabasooponan lalomo; Kona sotiaan pokakana kotompide mupangaliu.

⁵Kosilakaan doi tempo popook inai momatakutene, kai linobosian mososinggot doi namadialanan;

⁶doi tempo kalipookan naikon lubat kobalaa, kai inakamanasan motepak doi nasuunan kooloyo.

⁷Maukai 1.000 komian momate doi lisukomu, tukon 10.000 doi limamu bakalinggano taalikon, bai koomu susuumu aki naikon mupakolon.

⁸Kalu ikoo mbaleng doi mupotikunggonan, ikoo kitayo komian molokis kanakon pabalas.

⁹Sabab ikoo tealikene ko TEMENENO mupembela, Mo Tatandak Tuuno ikoo tealikene musoopan.

¹⁰Maka ikoo aki naikon mukanakon balaa, kobalaa motepak aki naikon nakanakon komubunoa.

¹¹ Ko Mian Bisa sumboliiyo Kona malaekat modagaiyo ikoo, sulano naeseepe ikoo doiyayamo tolong komutausan.

¹² Yanila naikon bingkate ikoo doilimamu palalaino, sulano koaimu aki natakait doi batu.

¹³ Ikoo naikon lumbaiyo kobindda tukon singa, piike kosinga mongula tukon binda moupason.

¹⁴Ko TEMENENO bantile, “Komian moiyase Yaku naikon Yaku salamatene, komo akuiyo Yaku naikon Yaku lindungiyo.

¹⁵Kalu yana uwang doiya-Ku, Yaku naikon timbiliyo. Doi kasulitan tempono, Yaku naikon tulingiyo yana; Yaku naikon olupute yana tukon Yaku beena pongodotii.

¹⁶Yaku naikon akambule yana tukon nabulusanan kona umur, tukon Yaku salamatene.”