Read Banggai SADEONG 92 Bible Online

SADEONG 92 - Banggai bible

SADEONG 92

¹Nyanyian oloyo Tadean.

²Oh TEMENENO, tutuu kona monondokan kobasukuuran doi-Koo, tukon konggaalano Ikoo, ko Mian Bisa Mo Tatandak Tuuno;

³doi tempo dodowa ikoo babilitakene komu maasi, tukon komu setiaan doi tempo popook,

⁴tukon bakuti kulele songulo koaloso, linoolaing gambus tukon kacapi.

⁵Konoanggu teali laba sabab Mukokubai, kubaiyo konoanggu tedes-tedes, yaku menyanyi labalaba sabab Mukokubai.

⁶Oh TEMENENO, tutuu babasal Komukokubai-kokubai, tutuu atean Komupikiran-pikiran!

⁷Komian mobonggu aki namoola mangalati, komian molongos aki namoola pahamiyo.

⁸Komian molokis moola teali tubo molumbang buno bulung, tukon komian molokis sosuungi kaasa tukon tubo sanang; maukai naikon napo sinilaka kabus,

⁹sabab Ikoo, TEMENENO, komo berkuasa sidutu-posidutukon.

¹⁰Oh TEMENENO, kami toiyo Komu musuh naikon inakate kabus, sasaibino komian molokis naikon pinobabandakon.

¹¹Ikoo tealikene pokakana kosapi solo konabukuanan, tukon balakaatiyaku doi namonondokan.

¹²Daku musuh-musuh mokala yaku kitayo, komian molawanaku kokondongo kona tetel-tetel molokis yaku lengelemo.

¹³Komian momoloyos konoano sopii buno kurma batanggo, tukon tubo molumbang buno kauwalu batanggo doi Libanon.

¹⁴Yanila buno kayung mosinakakon doi TEMENENO Na Bonua, tukon tosuungi badaang doi nda Mian Bisa Na Bonua,

¹⁵kokayung mosao doi tempo loono namotuwan, tataap manampae tukon molumbang.

¹⁶Doiyamo kobukutiino baikon ko TEMENENO adil; yana Daku pembela, doiya-Na akiyo konoano napatekan.