Read Banggai SADEONG 95 Bible Online

SADEONG 95 - Banggai bible

SADEONG 95

¹Maimokai nda manyanyi doi TEMENENO, nggele-nggeleamon laba doi nda pasalamatan!

²Mai nda mangadap doi Yana tukon lagu sukuur, nggele-nggeleamon laba doi Yana tukon lagu nggaalano.

³Sabab ko TEMENENO daanokai Mian Bisa mobabasal, Tomundo motambongan moliisiyo sasaibino kopilogot.

⁴Yana kuasaiyo sasaibino kodunia lalomo natongobos-obosan, kobunggul bungkonokai koonamo.

⁵Yana kuasaiyo kotobun, sabab Yana komo kubaiyo, kobutatinakai limano nandonduun.

⁶Maimokai nda tootuku sosubaiyo Yana, ladanggene kotuulonggita doi TEMENENO salaano, sabab Yana komo pastitakayo kita.

⁷ Sabab Yanamokai konda Mian Bisa, kita nia Naumat piniala, buno domba modagaiyo. Doi oloyo nia lengelekai koalolo;

⁸ “Inai mokatikase konoamu buno komu mbumbu doi Meriba, buno tempo napo daanoon doi Masa, doi padang gurun.

⁹Indaa yanila sobaiya-Ku, maukai napo lapamo kitayo Daku kokubai.

¹⁰Sanggapkolono ko taun kona kalumbit Daku mosikitanano yanila; Yaku bantile: Tutuu, dobangsadoo aki nasetia! Daku parenta-parenta aki napo parhatikanggene.

¹¹ Maka doi Kunggimalan lalomo Yaku batotopimo, yanila aki naikon nausok doi tanodoo sulano napo malaat tadean polaing Yaku.”