Read Banggai SADEONG 96 Bible Online

SADEONG 96 - Banggai bible

SADEONG 96

¹Manyanyikenemokai kolagu boolu mo tuuk doi TEMENENO! Eh sasaibino kobanggapi doi dunia, pomanyanyimokai doi TEMENENO!

²Pomanyanyimokai doiyana tukon ponggaalekai Yana; sasamba kooloyo pobabilitakenekai kobalita labaan baikon Yana salamatenemo kita.

³Basalitakenemokai Kona babasalan doi bangsa-bangsa, tukon Kona kokubai-kokubai motambongan doi sasaibino kobangkapi.

⁴Sabab babasalkai ko TEMENENO, tukon tanggaal tuuno, sio naliisi kopilagat konaminatakutonan.

⁵Kobangsa-bangsa bailon natemeneno tongo pilogot timbalango, bai ko TEMENENO doyamo komo positakayo kodapang babasal.

⁶Kobabasalan tukon taanggaan songgoliiyo Yana, Kona Bonua moono kuasa tukon natambonganan.

⁷ Eh sasaibino kobangkapi, ponggaalekai ko TEMENENO, ponggaalekai Kona babasalan tukon Kona bukuanan!

⁸Ponggaalekai Kosambuno mo babasal, tukon pomababakai sosubakon doi Na Bonua lalomo.

⁹Posombaiyokai ko TEMENENO tukon pomapake pakean kaledaan! Eh posaapon ko dunia, lolondongkai doi salaano!

¹⁰Babilitakenekai doi bangsa-bangsa, “Do TEMENENO doo Tomundo! Ko dunia moonggol aki natounggot; Yana hakimiyo kobangsa-bangsa tukon adil.”

¹¹Eh timbu tukon buta, polabakai! Eh tuboan tukon sasaibino koantoko, pomomuukai!

¹²Eh padang tukon sasaibino kotatanaman, polaba-labakai! Kokayung-kayung batanggo doi babono naikon nggele-nggeleamon laba.

¹³Sabab ko TEMENENO lubat momparentah doi dunia, Yana naikon hakimiyo kobangsa-bangsa tukon namoloyosan konoano moadil.