Read Banggai ANDEAN 13 Bible Online

ANDEAN 13 - Banggai bible

ANDEAN 13

¹Kopau moyase palatikanggene kalu tamano otunggule; mian mobabanggaal aki naiyase matalima panganuukon.

²Komian monondok nabantilan lubatene kona kauntungan; mian moaki najujur sanaang doi motikasan.

³Komian mo hati-hati doi nabantilan lalomo naikon kona tuboan aman; mian mosabalang basilingan naikon kanakon susah.

⁴Momalas badaang kona minoton bai akiyo komeeng konailaat; mian mobalimang tuuno laate sasaibino kona minooton.

⁵Komian mojujul misikitene naikon kobakakalaan, komian lokis nalenggang makabai maa tukon sinosibolii.

⁶Kojujulan lindungiyo komian motubo moloyos; kulokisan manase komian mobaladosa.

⁷Daano komo balenggang kaasa, banggokai akiyo konabuat; daano komo balenggang talalais banggokai kaasa tuuno.

⁸Komian kaasa sio nakaluale, kodoy sulano kona tuboan aman; komian motalalais bebaso luwedoi nangginimolian.

⁹Komian moliyous bunokai laango montontilan; mian lokis bunokai posi moposo.

¹⁰Kobabanggalan tolongo lubatene kopodanganian; komian momamangan konapikiran yase matalima otunggul.

¹¹Kokaasan moilaat tukon muda naikon mosobit natakulang kai; bai buat mopinotongikon soisik tukon soisik naikon pololokon tosungi.

¹²Kalu mominoinikon aki dinanookon konoano susah; kalu mominoinikon dinanokon konoano monondok.

¹³Komian mopandang enteng kootunggul TEMENENO silakaiyo kobutongo; komian molole doi Mian Bisa naukum naikon malaat tambono.

¹⁴Komian momamangan napikiran naotunggul bunokai namonondokan uuno; kalu daano komonggimal, dootungguloo salamatene.

¹⁵Komian monondok konoano naikon ngginal; komian moaki nainangga naikon susah kona tuboan.

¹⁶Komian mamangan kona bapikiran lolukon akiyo nalimange; komian longas balukenemo kona longasan.

¹⁷Ulusan moaki nabeles lubatene kosilakaan; mobinitokon namoola inangga damine daano kohasilo.

¹⁸Komian moaki naiyase moinotunggul tealikai talalais tukon tinotulai; mian moanggayo kootinau naikon hinolomati.

¹⁹Bukamaeng konamonondokan malaat oila kona minomooton! Mian longas aki naiyase tinggale luwedoi nakulokisan.

²⁰Komian mobalagaul tukon mian mamangan konapikiran, naikon teali mamangan konapikiran; mian mobalagaul tukon mian longas, naikon silaka.

²¹Komian mobaladosa sidutu kosusah lubotiiyo mian monondok sidutu matalima monondokan.

²²Komian monondok kona kaasan teali budel doi napau natumbu; kaasan mian baladosa inobos tuuk mian momoloyos konoano.

²³Kobuta kosong daano kohasilo badaang kondemel tuuk mian motalalais; bai kona akiyonan naadil kubaiyo sabab butadoo aki nailimang.

²⁴Aki namongumbas pau koalatino aki nakilakene doi yana; kalu kilakene sio nabarani pukule yana.

²⁵Komian monondok sidutu sukup, bai mian lokis sidutu kakukalangan.