Read Banggai ANDEAN 18 Bible Online

ANDEAN 18 - Banggai bible

ANDEAN 18

¹Komian mo bangalaasan luwedoi mian bailon koalatino tolongo butongo susuungo kona pinalatikanggon samba komian napandapat bailon yana bantayo.

²Komian longas aki naiyase binee pangalatian; yana tolongo yase beekene konoano antoko.

³Lalim tukon totulai ampakon polaing; kalu lapamo kososibolii, tantu, koidan pinipiik.

⁴Komian nabantilan bunokai momamangan napikiran atean buno tobun maluas buno paisu mo mololong.

⁵Aki namonondok mo kokilaing doi mian molokis; tukon pipiike komian moakiyo kona salah.

⁶Kalu mian longas basilingan, yana sumbutene kopodanganian tukon kabiyo nainotunggul.

⁷Mian longas nabantilan manase kobutongo, yana tatalonggon tolongo nabantilan-bantilan.

⁸Salita doo monondok kolasano; komian yase lemese.

⁹Komian molalaikene kona limang; pokakana kona kulokisan tukon mian moiyase lusake.

¹⁰TEMENENO doo buno menala mo monggol; mian jujur taus dombalaa tukon malaat tampat moaman.

¹¹Bai komian mokaasa anggene nabuat kai molindungiyo yana buno betong motatandak tukon monggol potikunggon kota.

¹²Komian mobabanggaal naikon otuwong, komian mopependeo konoano naikon hinolomati.

¹³Timbiliyomo akiyoon nalengele daanon kokubai molongas tukon sinosibolii.

¹⁴Tolongo namongiasan sulano tubo, komian laate motanggunge kosakisawan; lapus namongiasan doo, lapus koidan sasaibino komoinian.

¹⁵Komian monondok konoano sidutu moloukene naikon komontoiyan; komian momamangan kona pikiran sidutu yase malaat otunggul.

¹⁶Hadia mobuka loloon tukon moatule komian doi mian-mian babasal.

¹⁷Mobasilingan tumbeno doi rapat pangadilan lalomo sidutu tokita kana; bai kona palanyataan tambunno moinudi kalu kai lubat kona lawan.

¹⁸Tukon lot ponggimakonan moola nainopusi, banggokai podanganian antara mian balakuasa kai moola nainopupus.

¹⁹Utus molapamo pinalasakiti konoano lobian komaaling nakinolani luwedoi kota momonggol podanganian buno kai posupat kota tataapono babasal modaano kona benteng.

²⁰Tuuk bantilan-bantilan mobinantil daano kobaliko mosio nailasakan.

²¹Alepo daano konakuasa motuuk salamatene kotuboan yana manase; komian sio natanggunge konabantilan baliko.

²²Komian momalaat boloki, malaat kauntungan; boloki daanon luwedoi TEMENENO mobeekene.

²³Komian motalalais makabi tukon atulan mian mokaasa timbiliyo tukon panggalai.

²⁴Daano kosobat moaki natotobos, daano kai komo lobian pomeenggon luwedoi utus.