Read Banggai ANDEAN 19 Bible Online

ANDEAN 19 - Banggai bible

ANDEAN 19

¹Lobian monondok mian motalalais momoloyos kona tuboan; luwedoi mian molongas moyase bakala-kala.

²Komololean akiyo konamotoiyan aki namonondok; mian mosobit-sobit naikon mokubai kasalahan.

³Kobanggapi molugikene kobutongo susungo luwedoi nalongasan; lapa doiya salakene ko TEMENENO doi langge doo.

⁴Komian mokaasa kotulano sidutu tosuungi; mian motalalais kotulano tinggalemo.

⁵Komian mobakala-kala doi pangadilan akimo naikon natosodii luwedoi ukuman.

⁶Samba komian balausaha mangala mian motalakana noano; saibino komian yase posobat tukon modoyan.

⁷Komian motalalais koutuso, padangeeteng oilakai luwedoi tulano. Mau nabulaando kai kona balausahaan, yana aki laate talike yanila.

⁸Indee komo mololonggon montoiyan, mamasikene kobutongo; tukon indee moneneeke oila komo; konamonggitunggukonan naikon sanaang.

⁹Komian mobakala-kala doi pangadilan tantu naikon inukum tukon sinilakaimo.

¹⁰Akikai namoola komian longas tubo sanaang; tukon akikai nateali ata mopalentayo kosambu.

¹¹Komian mamangan konapikiran moola naatasio kona nggimalan. Yana nggimal sabab aki napusinggene komian nakasalahan.

¹²Tomundo nggimal buno singa nangatonan; kotomundo namonondokan bunokai soiluk mombetokiyo komo sinakakon-sinakakon.

¹³Pau molongas moola nakulokisene kotamano boloki moyase palabubuk bunokai paisu mototook moaki natade-tade.

¹⁴Bonua tukon buat moola nailaat luwedoi tama tina, bai boloki momamangan konapikiran daanon luwedoi TEMENENO komo beekene.

¹⁵Komo malas-malas kubaiyo komian moolo tombosokon, tukon doibundu momalasoo naikon malaal.

¹⁶Komian motaatio ko Mian Bisa naparentah-parentah naikon salamat, komian moaki nahalgaiyo naikon mate.

¹⁷Tulungiyo komian motalalais pokakana mobeena masabol doi TEMENENO; totiili TEMENENOkai naikon komo balese.

¹⁸Kindedeke komu pau mau namalumbit daano minoinikon; kalu akiyo, koalatino ikoo yase konamanasan.

¹⁹Sodiiyomokai komian mosobit nggimal nalasayo susuungo kobaliko. Kalu ikoo tulungiyo yana, ikoo tolongo sungiyo kona nggimalan.

²⁰Kalu ikoo yase balajal tukon ndongoliyo kootinau; ikoo naikon teali mian moano kona montoiyan.

²¹Kobanggapi badaang kona tetel, bai tolongo TEMENENO nakaputusan komo teali.

²²Ndodoong mominoinikon luwedoi meeng komian doiyamo natotobosan, tadukai talalais luwedoi moteali bakala-kala.

²³Odotiiyo ko TEMENENO, maka mutuboan sanaang; ikoo naikon biaikene tukon luput luwedoi silakaan.

²⁴Daano komian momalas tuuno, abese kokinaan doi suungo tolong yana mamaakene.

²⁵Kalu komian babanggal inukum, komian moakiyo kona pangalaman malaat palajalan. Kalu mian monondok konoano sinadai yana naikon tosuungi mamangan kona pikiran.

²⁶Pau mokulokisene tukon sikayo kotamano tinano; doiya doo pau mookimaayo tukon sosiboliyo.

²⁷Kupau, kalu ikoo aki muyase balajal koidan, ikoo naikon toliminggene oila komo lapamo ikoo palajari.

²⁸Mebee katalangan mokala, koalatino baniatene koukum; mosilakaiyo komian, monondok kolasano doi mian lokis.

²⁹Komian molongas misikit konoano tantu naikon binobokii.