Read Banggai ANDEAN 2 Bible Online

ANDEAN 2 - Banggai bible

ANDEAN 2

¹Talimayokai daku otunggul-otunggul, kupau, tukon neneeke kai sidutu naikon daku otinau-otinau doikoo.

²Paraatikanggene oila komomamangan konapikiran tukon balausaha namangalatikene.

³Oh, kupau, balausahakai nadaano mupikiran momamangan tukon makabikai pangalatian.

⁴Unggoliyo doiya buno mounggolian mosoni, tukon lelenggenekai buno mololonggonan buat motosookon.

⁵Tukon bunodoiya ikoo naikon toiyo oila koalatino matakutene naikon ko TEMENENO tukon ikoo naikon malaat montoiyan tentang Mian Bisa.

⁶TEMENENOkai kobeena pandoiyan; luwedoi Yanamo kobanggapi namalaatan montoiyan tukon pangaratian.

⁷Doi mian mototobos tukon moakiyo kososiboliino, yana tulungiyo tukon eseepe.

⁸TEMENENO dagaiyo komian-mian molakukene kokaadilan; tukon eseepemo yanila mokilakene Yana.

⁹Kalu ikoo tulutiyo yaku, kupau, ikoo naikon toiyo oila komoadil, jujul tukon monondok. Ikoo naikon toiyo koidan bulaando kona cara ikoo sio mutubo.

¹⁰Ikoo naikon teali pandoi, tukon mumotoiyan naikon kindedeke konoamu.

¹¹Pangalatian tukon mupandoiyan naikon eseepemo ikoo,

¹²tukon pantane ikoo mololoi cara tubo moaki namonondok, tukon koidan dedenggene kobutomu luwe doi mian-mian kosuungo lokis.

¹³Yanila aki naiyase mololoi cara tubo momonondok, yanila mangala loloon mokalipookan tukon momonoh lalim.

¹⁴Yanila namalaatan kasangan luwedoi yanila pakakabai molokis.

¹⁵Yanila aki najujur tukon yanila nacara tuboan kulokis.

¹⁶Ikoo, kupau, moola tolayo komoluko mopalalentel nabudukan mobalausaha budukiyo ikoo tukon bantilan-bantilan momamis.

¹⁷Boine doo aki nasatia doi nalangkai tukon toliminggenemo konaperjanjian doi Mian Bisa.

¹⁸Kalu ikoo dombalaa doinabonua koalatino ikoo sasalaane komatean. Taus dombalaa pokakanakai tukon taus doi mian mate nadunia.

¹⁹Mian motaus doi yana akiyokai komoabali doi loloon mosasalaane kotuboan.

²⁰Tobikon doiya, kupau, loingiyokai kosontoh mian monondok, tukon tubomo kai mololoi Ko Mian Bisa namongiasan.

²¹Sabab; komian motubo mololoyo ko Mian Bisa Namongiasan doiyamo komian momonondok konoano, yanilamokai naikon modungol doi tano TEMENENO modondikene.

²²Bai mian molokis tukon mobaladosa naikon ko Mian Bisa sakukene sumbut luwe doi tanodoo, buno limbut mokinubut luwe doi buta.