Read Banggai ANDEAN 24 Bible Online

ANDEAN 24 - Banggai bible

ANDEAN 24

¹Inaikai momasakit konoano doimian lokis, tukon inai moiyase polaing tukon yanila.

²Yanila tolongo pikikene konakejaman tukon tolongo salitayo oila komo silakayo.

³Bonua dungolan binangun tukon montoiyan tukon pangalatian.

⁴Tukon kalukai daano tinotui komontoian maka kokombiang-kokombiango naikon tinotui moono tukon barang-barang modaano koanggano tukon mondok.

⁵Mian momamanggan kona pikiran lobian konangganganan luwedoi mian mobukuan; montoiyan penting tuuno luwedoi natanaga.

⁶Tobikon akiyon napolobosi sio nadaano koniat momondoko loluk tukon polokon badaang kopongotinau, polokon babasal kona teali naikon manaang.

⁷Komian molongos aki nalaate selamio komontoiyan. Yana aki nalaate bantile olia-oila kalu mian daano posilingonikene langge-langge mopenting.

⁸Komian mosidutu baniatene kokulokisan, naikon sinumbuikon banggabut.

⁹Samba komian molongas nasiasat daano lalim. Mian mosidutu sosibolio komi an bailon, aki nasinananggon luwedoi inde tolong.

¹⁰Kalu ikoo manasalo doi ndondong mogawat lalomo, maka ikoo mian mo miuk.

¹¹Inai momamatakut mosodiyo komian molapamo inukum mate; salamatenekai komian modaano mobinaba doi tampat batudean.

¹²Moolakai kubantile, “Doiya bolikon kuulusan.” Bai Mian Bisa awasio ikoo. Yana toiyo tukon adilio mupikiran. Yana balase kobanggapi mololoi napalabuatan.

¹³Kupau, makaanokai dokat, sabab doiya monondok. Bunokai dokot luwedoi anidoo popano mamis tuuk kinaan,

¹⁴buno doiya koidan montoiyan monondok tuuk doimu ansaang. Kalu ikoo mamangan, mupikiran, monondoko mutuboan sinasalaan.

¹⁵Inaikai mobuno mian lokis pomeenggon molampeke komian mojujul tukon lambase kona bonua.

¹⁶Sabab maukai mian mojujul badaang lunggon naotuwong, sidutu yana naikon abali bangun. Bai kobaliko, mian lokis naikon manas luwedoi nasilakaan.

¹⁷Inaikai mosanaang kalu mumusuh silaka, tukon inai motedes kalu yana otuwong.

¹⁸Sabab tantu TEMENENO naikon kitayo mukakabai doo tukon nilaiyo koono komolokis, maka akimokai naukume numusudoo.

¹⁹Inai mosikit kai aki nasanaang doi mian molokis.

²⁰Komian lokis akiyo komu tempo sinasalaan tukon akiyono komu minoinikon.

²¹Kupau matakutene ko TEMENENO, tukon odotiyo kotomundo. Inai molalainge tukon mian motantange yanila.

²²Komian mobunodoiya moola namanas tolongo soisiken, sabab kosilakaan Mian Bisa osumbetekai tomundo bolikono palakala mopoipoisik.

²³Komian-mian pandoi biasa bantil bunonaia: Ko Hakim aki namoola babalat doi sembeang.

²⁴Kalukai komian mosalah binantil aki salah, maka dohakimo naikon binatopikon tukon saibino komian tuduwo.

²⁵Bai ko hakim moukume komian mosalah naikon sanaang tukon inodotii.

²⁶Potimbili motapaat danoon paloosan posobatan motutuu.

²⁷Inaikai moosoan akiyon ikoo musadiayo komuasi tukon nadaano komu pencarian.

²⁸Inaikai moteali sakisii doi mian bailon kalu akiyo kona alasan mobisa; inaikai koidan mobakakalakene yana.

²⁹Inaimokai mobantil, “Yaku naikon soboliyo doiyana oila komo lapamo yana lakukene doi yaku.”

³⁰Biasa yaku alo doi asi tukon anggur asino meeng komian momalas molongas.

³¹Daku kinita idoo tolongokai mosinakakon mosoniton tukon padang-padang. Kopagaro betong kai tolubango.

³²Salaataa kupalatikanggene tukon kupikikene langge doo, napalajalan nia:

³³ Tukon batotopi tukon moolo soisiken, tukon osulang lipate kolimano tukon tade loluk.

³⁴Kakulangan tukon kotalalaisan lubat molobosi buno pondikuk modaano kona sanjata.