Read Banggai ANDEAN 26 Bible Online

ANDEAN 26 - Banggai bible

ANDEAN 26

¹Bunokai udan doi tempo pital, tukon linggous doi tempo pital, bunomo koidan panggaal tuuk mian longos aki napantas.

²Buno tomisi benga tukon malayang-layang doi dapang, bunomo koidan totopi aki namoola kanakon doi mian moakiyo konasalah.

³Mian motimbiliyo kopasadai mian longas, pokakana kona longasan tukon mian doo.

⁴Keledai sio nakinonoikon kona tambang, adalan sio nainumbas, bunodoiya koidan komian longas sio nainumbas.

⁵Pasadai molongas sio tinimbili tukon potimbili molongas tolong, sulano momasaidaidoo sadal baikon yana aki napandoi buno nasinangkadoo.

⁶Mobitokon meeng komian longas tuuk makapatu bilita, pokakana molotoyo koaino susungo tukon mounggoliyo kosilakaan.

⁷Bunokai mian lemat mogunakanggene koaino, bunomokai mian longas mo bantile kona otunggul.

⁸Nggale komian moakiyo kona montoiyan, buno boboiyo moso-mosoot kobatu doi dimbaalot.

⁹Bunokai pamalangu mokaluale kosonit luwedoi limano, bunomokai mian longas mo bantile kona otunggul.

¹⁰Indee komo beena limang komian longas kai sabalang komian naikon kubaiyo rugi badaang komian.

¹¹ Bunokai asu abali doi natoluwe, bunomokai komian longas kuaikene kona longasan.

¹²Komian molongas idan daanon lobian monondok luwedoi mian mo anggene kobutongo pandoi.

¹³Mian moaki namoola yase dungol doibonua: yana bantile, “Daano kosinga doi tonggulung yaku tutuu mosinoku doi loloon tangano.”

¹⁴Bunokai tatapan bapasokonan doi nahensel, bunomokai komian moaki namolole nggoli-nggolinge kobutongo doi tampat mooloan bunggono.

¹⁵Daanon komian moaki namolole tuuno; usekene kokinaan doi suungo kai aki nateali.

¹⁶Mian moaki namolole anggene ko butongo lobian pandoi tadukai pittu komian mo beena potimbili mo tapaat.

¹⁷Komian molaing usok doi podanganian lalomo mobolikon nausulan pokakana buno mian mo malako asu mbosalo doi tolungaino.

¹⁸Mian mokala-kala, maka bantil, “Yaku tolongo popiada tolong,” pokakana tukon mian tindo mo balamain tukon nasanjata mokabaiyo bahaya.

²⁰Kalukai kokayung kabuso, posoiyomo koaung; kalu motombosalitaan akiyono, podanganian doo tademo.

²¹Bunokai ayong tukon kayung kubaiyo koaung tataap kait; bunomokai mian mo yase podanganian osumbute kaadaan.

²²Basalitakene komian doo monondok tuuno; mian yase molemese.

²³Bunokai tobunang buta sinaut salaka, bunomokai mian momaamis doi suungo, bai konoano lokis.

²⁴Kaipomisikiton nabantilan-bantilan maamis bai konoano moono baka-kalaan.

²⁵Maukai yana doo tombo salitaan, inaikai pomanggangga; sabab mosikitan kuasaiyomo konoano.

²⁶Maukai yana seekene kona mosikitan, saibino komian naikon kitayo kona kulokisan.

²⁷Inde komo kalio kubuang tuuk mian bailon, naikon topolos doi lalomo. Inde komo nggolinggene ko batu sulano napisaiyo komian bailon, naikon batudoo komopisaiyo susuungo.

²⁸Mokokolii mian pokakanakai tukon misikitene. Maamis kosusungo lubatene kosilakaan.