Read Banggai ANDEAN 27 Bible Online

ANDEAN 27 - Banggai bible

ANDEAN 27

¹ Inaimo mopikikon kooloyo modoa, sabab akimutoiyo oila naikon komo teali.

²Inaimokai monggale kobutomu susuumu, sodiikene komian bailon mo kubaiyo langge doo, tukon mian moaki mutingoniyo.

³Batu tukon bone daanon momamalaang, kalu pinosalakon tukon noamasakit mian molongas komo sumbutene.

⁴Nggimalan doo lokis tukon momanase, bai masasalaan nggimalaan indee komo taane?

⁵Tadukai panganukon mo talang-talangan luwedoi maasih moakiyo kobantilan.

⁶Tulano umbase tukon babilian bai musuh moola napokindokene.

⁷Kalu bobosul, dokotoo tinolak; kalu malaal, momosopot doo kotamiso maanis.

⁸Komian motinggale kona bonua, buno tomisi mo tinggalle kona teleaa.

⁹Bunokai lisoson mobabangi tukon mobabangi-babangi mosanaanggene konoano, bunodoiya koidan kotulano namondokan sanaangkai konoano.

¹⁰Inai motoliminggene kotulamu kai tamamu tulano. Doi kasukaran lalomo; inaikai makabitolong doi utusomu; tanaga mololani daano kagunamo luwedoi utusomu moddoon.

¹¹Kupau tadukai ikoo namangan komu pikiran, sulano kusanaang tukon laate motimbili kalu sinosibolii.

¹²Komian mamangan konapikiran bala usaha kalukai kitayo kosilakaan; mian longas ampakon banggadudul maka kanakon silakaan.

¹³Inde komo yase tanggunge komian bailon samea, moola inala koona salaku pobeal naperjanjian.

¹⁴Indee doa-doa soono mobantile kona salam doi tulano tukon nalalo mobabasal, inanggon bantilan molokis.

¹⁵Boloki moyase podanggani buno udan kona bulunganan mo maturun pasapokon kooloyo.

¹⁶Aki namoolakene yana sinumbolii aki nabiok, buno mombuul aki nanggoola tinaan tukon likison aki namoola tinaani.

¹⁷Bunokai besi mobinilas besi, bunomo koidan kobanggapi monggitunggukon luwedoi tulano.

¹⁸Indee komo mopiala kayung naikon kaane kosaono. Pelleani naikon inangga kalu sodiikenemo konatuan.

¹⁹Bunomokai paisu mototiposii kodudusomu, bunomokai koidan noamu menunjuk butomu.

²⁰Doi mian mate nadunia sidutu daano kotampat; bunomo koidan kobanggapi naminomooton akiyo kokalatano.

²¹Mosoni tukon salaka inudi doi balah; komian tiningonii luwedoi nandodoong terhadap manggaalan.

²²Maukai mian longas inumbas kokobukuan, akikai naikon lapus konalongasan.

²³Pialayo mono-monondok kamu iyayon piniala,

²⁴Sabab kokaasaan aki naikon naposidutukon, tukon kai kuasa tuuk maparentah kai aki naikon natataap sidutu-posidutukon.

²⁵Kobulung doi asi tukon doi bunggul pinatol tukon pinotongikon tuuk muiyayon piniala doo, bai salataa aki namalumbit tubomo kobulung moboolu.

²⁶Luwedoi mu domba-domba bullono ikoo malaat pakean, tukon luwedoi doy pongolino bagian mumbembe ikoo malaat mongoli buta moboolu.

²⁷Luwedoi mbembe-mbembe bailon ikoo malaat susu tuuk doi butomu tukon mukaluargaa tukon mu peleleani-peleleani.