Read Banggai ANDEAN 28 Bible Online

ANDEAN 28 - Banggai bible

ANDEAN 28

¹Mian lokis obulen akiyokomo lelenggene, bai komian jujul, barani buno singa.

²Kalu bangsa baladosa, kona panguasa poisosoboli; kalu katua mamangan konapikiran, bangsa naikon batahan tukon tataap sanaang.

³Mobalakuasa mopipiike komian motalalais, buno udan babasal momanase kobapupuian.

⁴Indee komo aki napalosanggene koukum, tomboniyo komian lokis, indee motaatio ko ukum tantaange komian lokis.

⁵Kaadilan akiyo komian lokis mobai mian mososubai, TEMENENO, bisa-bisa pahamiyo.

⁶Tadukai mian talalais mo moloyos konoano luwedoi mian kaasa molokis.

⁷Tabo motaatio ko ukum daanon mian momamangan kona pikiran. Bai mian mobalagaul tukon mian mobadaang kana doy pinake akamaayo kotamano.

⁸Indee moteali kaasa sabab mangala untung tukon mounggali kauntungan badaang, kana kaasaan naikon otuwong doi mian momamasikene ko mian talalais.

⁹Kalu ikoo aki muanggayo ko Mian Bisa naukum. Mian Bisa doo naikon lasayo toluwekene komu sambeang.

¹⁰Indee mobudukio komian mojujul sulano namokubai lokis, yana susungo otuwong doi talong lalomo. Komian mobilisii konoano naikon binaalakati tobikon nabaagia.

¹¹Komian kaasa sidutu lasayo kobutongo mamangan kona pikiran bai mian motalalais momonondok konoano toiyo indee yana kona bisaan.

¹²Kalu komian monondok balakuasa, saibino komian sanaang, kalu komian lokis maparentah korayat basambuni.

¹³Indee komo seekene kona lalim aki naikon nabahagia. Indee komo akuiyo tukon tinggale, naikon TEMENENO seseange.

¹⁴Holomatio sidutu ko TEMENENO, maka ikoo naikon bagia. Kalu ikoo lawane yana, ikoo malaat silaka.

¹⁵Komian lokis mobalakuasa doi mian mokakulangan, buno singa mongaaton kai asu lobo molobosiyo.

¹⁶Mobalakuasa pipiike komian bailon, akiyo kona pikiran monondok; mobalakuasa misikitene kokulokisan naikon doi taun-taun konamaparentaan.

¹⁷Meeng komian mangakate naikon toiyo moilolonggon banggadudul polong doinamatean; akiyo komeeng komian kai momoola taane yana.

¹⁸Komian motubo akiyo kososibolino naikon salamat. Mian mosusah-susah konatuboan, naikon otuwong.

¹⁹Kotani mobalimang kokobukuan naikon mokinaan sabemo; mian mo masakukon-masakukon tempo naikon nakakulanganan.

²⁰Komian jujul naikon TEMENENO balakaatio, bai komian moyase mosobit kaasa, aki naluput doi ukuman.

²¹Aki namonondok mobeda-bedakene komian; bai daano koidan kohakim moyase mokubai lokis tolongo tuuk malaat doy soisik.

²²Komian modoko-yase mosobit kaasa; yana aki sadal baikon kona talalaisan mosobito nalupaiyo kobutongo.

²³Komian mo beena panganukon doi bundu lobian kona inanggaan doi mian mo beena panggaal.

²⁴Indee komo pondikuk luwedoi naorangtua tukon sangkale doiya bolikon lalim, pokakana kopondikuk-pondikuk bailon.

²⁵Moutamakene kobutongo susungo osumbute kopodanganian; ikoo untung lobian kalu kai mangangga doi TEMENENO.

²⁶Indee komo balanggene kona pandapat susungo akiyo konapikiran mo monondok. Indee mololoi otunggul mian momamangan konapikiran naikon salamat.

²⁷Indee komo beena doi mian mo talalais aki naikon nakakulangan. Indee komo tutupe komatano telhadap mian talalais kona kabutuhan naikon kanakon totopi.

²⁸Kalu mian lokis balakuasa, korayat basambuni; kalu mian lokis silaka; mian moadil naikon pimpine tukon bebas.